Grafomotricidade

Aprender a escribir non é doado. Os nenos e nenas pasan por diferentes fases, nas que ademáis de recoñecer o nome e o son de cada fonema, teñen que aprender a debuxalo. Así, é moi importante que debuxen libremente, que utilicen diferentes materiais: ceras, rotuladores, témperas, lápices,... e que sexan quen de imitar diferentes tipos de liñas.

Podemos entender que o desenvolvemento psicomotor é moi importante. Dende bebés, os nenos e nenas comezan a moverse, cada vez con máis complexidade e finalidade. No momento de enfrontarse á escritura, os seus brazos, mans e dedos deben ser quen de realizar movemento finos, concretos e ben orientados. De aí a importancia  da Educación Infantil, etapa na que desenvolven habilidades como cortar, recortar, encaixar, pintar, pegar, doblar, modelar,...

Imos escribir!! É moi importante aprender os movementos correctos para realizar cada letra, xa que é mellor facelo ben dende o principio que correxir os erros posteriormente.

Facendo clic sobre a imaxe, podedes acceder a unha sinxela actividade interactiva na que se amosan os trazos correctos das letras minúsculas e dos números e logo se poden practicar.

E nas seguintes imaxes aparecen as letras maiúsculas, minúsculas enlazada (script) e de imprenta (print) así como os números, e a dirección na que se debe facer cada letra.