EN MAIO E ABRIL, LECTURAS E ESCRITAS MIL

PROPOSTAS A CARÓN DOS "LIBRO DO MES"E OUTRAS LECTURAS

Este é un mes cheiño de propostas lectoras e escritoras nas que recuperamos moitos dos "libro do mes" e outras lecturas que protagonizaron este curso e dámoslle unha voltiña literaria. 

Reciclamos lecturas! 

Adicádelle uns minutiños a lélas e escollede a que prefirades. Podedes facelo na aula cos compañeiros ou atrevervos vós soiños!

TRAEDE O VOSO RELATO Á BIBLIO OU DÁDELLO Á PROFE. ESTAMOS DESEXANDO COÑECER AS VOSAS EMOCIÓNS E HISTORIAS.        Comezamos...

O NOSO MURAL

Gozade do placer da lectura con CANDO LEO de Eva mejuto. Atoparédelo no noso recuncho do libro do mes. 

Pasade pola biblio e ollade o noso novo mural decorativo. Que vos suxire? 

Temos dúas propostas:

1/ Escribide un relato curto ou longo no que nos faledes do que vós sentides cando ledes un libro que vos engancha.

2/ Deixádevos levar polo azul do noso ceo e do noso mar e imaxinade a historia que está a fuxir dese gran libro de contos. 

COCIÑANDO CONTOS

"Contos por metades"

Escolle dous contos  e mestura o principio dun co final doutro. Mantén os personaxes principais. No medio podes inventar ti o que queiras. Escríbeo nun papel e ilústrao, vén lelo á radio ou monta un kamishibai cos teus compañeiros e cóntanolo na biblio.

Podes escoller ti ou aproveitar as nosas escollas:

Queres outra idea? Escolle dous personaxes de violeta Monreal, un ser fantástico de terra e outro de mar. Lé a súa historia e características e monta ti unha relato con eles.

PÁSASME A RECEITA?

Nos libros de contos agáchanse moitas receitas. Imos procuralas!!

Ingredientes: 

Os contos propostos ou outros que ti queiras. Podes procurar só unha receita ou facer un libro con varias das que atopes. 

Tamén podes procurar a receita da que nos falan e escribir a da túa familia

Paso a paso:

1/ Relé o conto procurando a receita que agacha

2/ Cópiaa nun papel ou cartolina

3/Decóraa  como ti queiras

4/ Tráea á biblioteca. Tamén podes lela na radio

5/ Compón o teu libro personalizado xuntando varias receitas diferentes

Os máis pequenos podedes facer un debuxo da receita ou copiar a orde de ingredientes sans que se agachan  nestes contos.

PROPOSTAS STEM

Historias con legos

Ide a aula Stem e xogade cos legos e o muro de lego a contar historias relacionadas co mar. Facede os personaxes e escenas coas pezas que temos, engadide outros elementos que queirades e contádenos a historia gravándoa coa tablet . Podédesvos axudar dos peixes que nos agasallaron os mouchiños ou outros elementos que traiades da casa ou da aula.

Historias con pelos 

Coñecedes a Nicomedes?

Lede o conto e continuade a historia engadindo polo menos unha cousa máis que  poida poñer na cabeza e o que vai pasar cando o faga. Facede unha foto e escribide ou gravade a historia co voso elemento.

Temos unha mochiliña especial para traballar este conto. Nela atoparedes unhas láminas do conto e imanes cos que poderedes xogar. Podedes debuxar o que queirades e pegarlle un imán ou podedes idear o que pasa poñendo os imáns que temos. Vai ser moi divertido!!