Proceso

A realización desta webquest será en grupo. Cada grupo estará formado por catro membros, e cada membro encargarase dunha lenda distinta.
Primeiro leremos individualmente as catro lendas nas ligazóns que se facilitan máis abaixo. En segundo lugar, cada compoñente do grupo escollerá unha lenda e terá que elaborar un esquema cos datos que considere máis significativos. A información que reflictades neste esquema serviravos de axuda para realizar o cartaz.
A información sobre as lendas podédela obter nas seguintes ligazóns.
Para saber máis:
- Como se celebra o Nadal no mundo.
- Lenda do Apalpador.

Como deberedes incluír imaxes no traballo. Nas seguintes ligazóns atoparedes máis imaxes sobre o Nadal. Descargade nunha carpeta do PC todas as que queirades que non teñan cor. Só debedes imprimir as que ides a utilizar.

Unha vez que teñades todo o material necesario para realizar o cartaz nunha cartolina grande, iredes á aula de plástica e alí comporedes individualmente, con imaxes e texto redactado manuscritamente, a vosa obra que se complementará coa realizada polos outros membros do grupo. Cos catro cartaces formaredes unha composición tipo puzle.
Segundo vaiades rematando os vosos traballos, irédelos expondo no corredor do 3º Ciclo.
Para finalizar, buscaredes imaxes de Nadal, relacionadas coas lendas traballadas nesta tarefa, e decorarédelas libremente. Con elas adornaremos e ambientaremos a nosa clase e os corredores do cole.