Poñemos en prática as estratexias aprendidas. (16/03/2026)
A sexta xornada formativa do CEIP Plurilingüe Manuel Sueiro centrouse no adestramento técnico do profesorado para dominar o rol de interlocutor. A sesión focalizouse en como atribuír significado e modelar a linguaxe de xeito que o alumnado sinta que a súa comunicación é efectiva e valorada.
Claves da estratexia de modelaxe (Estratexias de expansión):
Para que a comunicación flúa, o equipo docente practicou un conxunto de estratexias clave coñecidas como o método de expansión:
Slow (Amodiño): Axustar o ritmo da fala para que o alumnado poida procesar a información.
Model (Fala + Pictograma): Acompañar sempre a palabra falada co sinal no sistema de comunicación.
Respect and Reflect: Observar a comunicación non verbal do alumno e poñerlle palabras (modelar) a ese xesto ou mirada.
Repeat (Repetición): Reiterar de xeito natural aqueles conceptos ou estruturas que queremos que o alumnado integre.
Expand (Expandir): Partir da produción do alumno para ofrecerlle unha frase un pouco máis completa.
Stop (Agardar): Dar o tempo necesario (silencio activo) para que o neno ou nena poida elaborar e emitir a súa resposta.
Análise de xerarquías de apoio:
A sesión incluíu un obradoiro práctico por parellas onde os docentes analizaron actividades reais da aula para deseñar as xerarquías de apoio. O obxectivo é saber que axuda ofrecer en cada momento —desde a máis sutil á máis directa— para fomentar sempre a máxima autonomía do alumnado sen xerar frustración.
Con esta formación, o Manuel Sueiro segue perfeccionando a súa atención á diversidade, convertendo a cada mestre e mestra nun motor de comunicación e aprendizaxe.
Documentación
Atribuir sgdo. Modelar a través das estratexias de expandir: slow (despacio), model (fala+pictograma), respect and reffect (modela a súa comunicación non verbal), respeat (repite o que queiras que aprenda), expand (expande partindo da súa producción), Stop (da tempo a que responda). Por parellas escoller unha actividade para analizar as xerarquías de apoio.
