Dentro da música ocupa un lugar moi destacado a voz humana. Na idade media as composicións relixiosas non permitían o uso de instrumentos, só permitían voces masculinas. Ao inicio era unha única melodía, co paso dos anos (séculos) engadiron unha segunda voz, e logo (moitos anos despois) unha terceira e unha cuarta... Moito tempo despois admitiron os instrumentos e incluso as voces femininas. Pero a voz non só é importante na música sacra, na música popular e na culta son innumerables as creacións para voz,tanto soa como conxuntamente con un ou varios instrumentos.

Pero vaiamos paso a paso, primeiro vamos a ver nun "notebook" como emitimos sons e como os percibimos:


A continuación será ben lembrar os tipos de voces:


+ Aguda FEMININAS
MARIA CALLAS

 Soprano

(Mezzosoprano)

Contralto




+ Grave 		MASCULINAS
PLÁCIDO DOMINGO
 Tenor

(Barítono)

Baixo
Exemplo 1


Exemplo 2


Quen diriades que canta no 2º exemplo? Unha muller ou un home?
En realidade nese cadro non están todas as voces porque existe algunha que non está recollida. Lembremos que ao inicio non se permitía ás mulleres participar en determinadas actividades musicais. As voces máis agudas interpretábanas os castrati que eran homes que mantiñan a súa voz infantil e, polo tanto, o rexistro agudo. Adiviñades por que se chamaban así?
Hoxe en día eses papeis son interpretado por contratenores, homes que, grazas á súa técnica vocal, cantan en falsete nun rexistro feminino, normalmente o de contralto. Agora podedes escoitar e ver o exemplo 2:


Como diciamos máis arriba, os primeiros cantos relixiosos do gregoriano eran a unha soa voz, un montón de monxes para facer algo que podería facer unha soa persoa. Isto é o que se coñece como monodia. Pero... e ao revés, podería unha soa persoa facer varias voces? E dicir, podería unha persoa cantar dúas melodías ao mesmo tempo? Que opinades...

Imos a pola resposta.