Deseñamos con AutoDraw

Hi, everyone!

Para a tarefa desta semana, non precisamos nin papel, nin lapis, nin cores!

Tan só precisamos un ordenador con conexión a Internet e moitas gañas

de crear cousas bonitas!

Imos empregar unha ferramenta dixital moi interesante chamada AutoDraw,

que serve para debuxar. É moi fácil de empregar!

Tedes que escribir no voso buscador de Internet: www.autodraw.com

Inmediatamente, veredes unha lámina en branco e á esquerda, varios circuliños

cunha morea de funcionalidades. Probádeas!

E cando xa esteñades un pouquiño familiarizados con esta ferramenta e as súas

posibilidades, creade un debuxo libre para enviarmo despois.

Truquiño: se pinchades no círculo onde aparece un lapis rodeado de estreliñas,

e despois facedes un debuxo (dun barco, por exemplo), a aplicación inmediatamente

vos propón na barra de arriba diferentes debuxos que se asemellan ao que vós estades

debuxando! Probade esta funcionalidade!

Cando rematedes o voso debuxo, tedes que pinchar nas tres raias pequeniñas

que tedes á esquerda, enriba de todo. Despois pinchade en "Download" (descargar),

e en "Gardar". Quedará gardado no voso ordenador na carpeta de "Descargas".

Despois, debedes enviarmo a través desta carpeta que vos deixo aquí abaixo.

Deixade voar a imaxinación e a crear!