3.1. Engadir e modificar recursos

O/A profesor/a ten a opción de mostrar aos e ás participantes calquera tipo de documentación, ben sexa en formato texto, audio, vídeo...

A maneira de engadir contidos nun curso pasa por activar o Modo Edición, situarse en calquera das seccións (temas) do curso e elixir unha das opcións de Engadir unha actividade ou un recurso.

Imaxe 3.1.1  Engadir unha actividade ou recurso

Un exemplo de recurso que podemos engadir ao noso curso é un ficheiro. Neste caso, ou ben poderase presentar dentro da interface do curso ou forzar a súa descarga por parte do alumnado.

Para engadir un ficheiro no curso, haberá que seguir estes pasos (incluíndo os citados anteriormente):

1. Activar o modo edición.
2. No tema que se desexe, pulsar sobre a ligazón Engadir unha actividade ou un recurso.
3. Seleccionar a opción Ficheiro.
4. Pulsar o botón Engadir.

Hai que ter en conta que cando engadimos un ficheiro ao curso (igual que pasa con calquera outro tipo de recursos) debemos configurar algúns aspectos como o nome co que queremos mostrar este ficheiro, completar unha pequena descrición do mesmo e a apariencia coa que se vai amosar no curso entre outras opcións.

Modificar a configuración dunha actividade ou recurso xa creada

De xeito similar, se o que queremos é modificar un recurso que xa foi configurado no curso, terase que activar o Modo Edición, despregar as opcións de edición pulsando sobre Editar e seleccionar a opción Editar os axustes que se atopa ao comezo da lista despregada. Feito isto, móstrasenos a mesma xanela que ao crear unha nova actividade ou recurso, co que simplemente temos que cambiar o que se desexe. Unha vez finalizado, débese premer en Gardar cambios. 

Imaxe 3.1.3  Editar os axustes