1.5. Como crear e configurar un curso

Para engadir un curso na aula virtual do noso centro debemos contar cos permisos adecuados. Acceso ao mantemento de cursos

Unha vez aí debemos expandir o menú Máis e premer en Engadir un novo curso:

Ao premer en Engadir un novo curso, despois de aceptar as políticas sobre a información básica sobre protección de datos, cargarase unha nova xanela onde poderemos configurar os aspectos xerais do curso. Non obstante, tamén poderemos cambiar en calquera momento esa configuración dende o bloque Administración, en Administración -> Axustes:

Imaxe 1.5.2 Menú Editar a configuración

As opcións de creación e configuración agrúpanse nos seguintes bloques:

• Xeral
• Descrición
• Formato do curso
• Aparencia
• Ficheiros e envíos
• Seguimento de completado
  
• Grupos
• Renomeado de roles
• Etiquetas

Poden aparecer algunhas outras opcións pero normalmente estas (as anteriores) son as máis habituais.

Xeral

• Nome completo do curso
  Define o nome co que o curso aparece dentro de Moodle.
• Nome abreviado do curso
  É o nome co que se identifica ao curso na barra de navegación superior.
• Categoría de cursos
  Este axuste determina a categoría dentro da que aparecerá clasificado o curso na lista de cursos.
• Visibilidade do curso
  Presenta dúas posibilidades: amosar ou agochar. No caso de elixir a opción de agochar, o curso estará visible unicamente para o profesorado, pero non para o alumnado.
• Data de inicio e de remate do curso
  Determina a partir de que data estará dispoñible este curso e cando deixará de estalo. Se se selecciona o Formato semanal dentro do bloque de Formato do curso esta opción determina como se etiquetará cada sección. A primeira sección empezará na data indicada aquí. Tamén determina dende que momento se empezan a gardar os rexistros de actividade do curso.
• Número ID do curso
  É un código interno de Moodle que non debe modificarse sen consultar co administrador.

Descrición

• Resumo do curso
  Espazo para facer unha breve presentación do curso.
• Imaxe do curso
  Amósase na lista de cursos, xunto co resumo.

Formato do curso

• Formato
  Permite escoller a forma de presentar o curso, entre outros, como formato de actividade única, formato social, formato dos temas e formato semanal. O primeiro traballa cunha única actividade ou recurso, o segundo organiza o curso en torno a un único Foro de debate, o terceiro divide o curso en temas ou unidades e o último ordena o curso cronoloxicamente en semanas.
• Número de seccións
  No caso de seleccionar os formatos de temas ou semanal, indica o número de bloques ou seccións do curso. Pode modificarse en calquera momento.
• Seccións agochadas
  Cando haxa seccións agachadas no diagrama de temas, estas pódense mostrar de forma colapsada (indicando ao alumno que existen pero que están pechadas) ou simplemente non amosalas. A primeira opción permite ao alumno saber o número de seccións do curso aínda que estean ocultas.
• Deseño do curso.
  Define a forma na que se mostran os temas, todos nunha mesma páxina, ou cada tema en páxinas diferentes.

Aparencia

• Forzar o tema e o idioma
  Fai que tódolos menús e opcións do curso cambien de aparencia ou se amosen nun idioma determinado (o alumnado non o pode cambiar).
• Número de novas
  Determina o número de noticias (mensaxes incluídos no Foro de novas) mostradas no bloque Últimas noticias.
• Amosar o libro de cualificación ao alumnado
  Permite ocultar ao alumnado o libro de cualificacións do curso, situado no bloque Administración.
• Amosar os informes de actividade
  En caso afirmativo, o alumnado pode consultar o seu informe completo de actividade no curso a través do seu perfil persoal. É o mesmo informe de cada alumno ao que o profesor ten acceso dende o menú Participantes.
• Amosar as datas de actividade
  En caso afirmativo, o alumnado pode ver as datas de cada actividade.

Ficheiros e envíos

• Tamaño máximo do envío
  Define o tamaño máximo dos ficheiros que as persoas usuarias poden subir ao curso.

Seguimento de completado

• Activar o seguimento do progreso (para o completado)
  Permite visualizar na páxina principal do curso o progreso das persoas participantes. En cada unha das tarefas defínese o completado da actividade en función dun conxunto de criterios elixibles.
• Amosar as condicións de realización da actividade
  Permite visualizar na páxina principal do curso as condicións de cada actividade.

Grupos

• Modo de grupo
  Define o modo de grupo do curso. Tódalas actividades que se creen terán por defecto o modo de grupo que se defina aquí. Poderá cambiarse despois dentro da propia actividade.
• Forzar o modo de grupo
  En caso afirmativo, tódalas actividades créanse co modo de grupo anterior e non se poderán cambiar.
• Agrupamento predeterminado
  Tódalas actividades e recursos que se creen serán asignados inicialmente ao agrupamento que se seleccione aquí. Despois poderá cambiarse.

Renomeado de roles

Permite substituír o nome co que aparecen os roles de Moodle. Por exemplo, que o/a profesor/a pase a chamarse Titor de maneira que cada vez que se deba amosar a palabra profesor apareza no seu lugar a palabra Titor.

Etiquetas

Termos que definen ao curso e permiten unha procura no sitio. É conveniente redactalas a partir do acordo do profesorado.