Práctica 4. Crea unha tarefa para entregar en grupo

Nesta tarefa buscaremos acadar os seguintes obxectivos:

1. Familiarizarse coa xestión de grupos de alumnos dentro dun curso de Moodle.
2. Aprender a crear actividades para entregar en grupo.

  Esta tarefa vai ser realizada en dúas partes. Pasos para realizalas:

1ª Parte:

1. Accede ao teu curso.
2. Activa o modo edición.
3. No tema 1 do teu curso, pulsa na ligazón Engadir unha actividade ou un recurso e engade unha Tarefa coas seguintes características:
   • Nome da tarefa: Tarefa para entregar en grupo.
   • Descrición: Neste apartado debes escribir o texto co enunciado da tarefa. Aquí debes explicar en que consiste a tarefa e como queres que a realice o alumnado.
     En concreto, nesta tarefa debes pedirlles as túas alumnas e alumnos que fagan un traballo relacionado con este tema 1 do teu curso e que deberá entregar un membro do seu grupo, nun ficheiro con formato PDF.
   • Dispoñibilidade: Neste apartado debes desmarcar tódalas celas, non debe haber nada seleccionado.
   • Tipos de entrega: marca a opción Entregas de ficheiros.
   • Axustes de entregas de grupos: Selecciona Si na opción Alumnos que entregan en grupos.
   • Cualificación: Cambia a cualificación máxima da tarefa que por defecto está en 100 a 10.
   • Configuración común do módulo: Neste apartado selecciona a opción Modo de grupo: Grupos separados.
4. Tódolos demais campos déixaos cos valores por defecto.
5. Pulsa o botón Gardar e volver ao curso.

2ª Parte:

IMPORTANTE: Como a tarefa que creaches ten marcada a opción Alumnos que entregan en grupos, será suficiente con que un/ha alumno/a do grupo entregue a tarefa para que a tódolos demais persoas do grupo lles apareza a tarefa como entregada.

1. Entra no teu curso identificándote cos datos dun dos teus alumnos/as (o/a alumno/a que queiras).
2. Realiza a tarefa como alumno/a e sube o ficheiro a esta tarefa.
3. A continuación entra no teu curso co teu usuario habitual (profesor/a do curso), pulsa sobre esa tarefa e fai clic na ligazón Ver todas as entregas.
4. Comproba que agora tódolas persoas do grupo ao que pertence o alumno/a que realizou a tarefa, aparecen coa tarefa entregada.