Práctica 3. Crea unha proba para un único alumno (acceso condicionado)

Nesta tarefa traballaremos as seguintes posibilidades da aula virtual:

1. Coñecer os distintos tipos de actividades que ofrece Moodle.
2. Experimentar a creación de "probas" usando previamente o "banco de preguntas". 

 Pasos para realizar a tarefa:

1. Accede ao teu curso.
2. Activa o modo edición.
3. Debes crear unha nova Proba (no tema 3, igual que na tarefa anterior), coas seguintes características:
   - No apartado Xeral introduce o Nome = Segundo cuestionario.
   - No apartado  Sincronización as datas de Abrir a proba e Pechar a proba deben aparecer desactivadas (desmarcadas).
   - No apartado  Cualificación seleccionar Intentos permitidos = 1.
   - No apartado Restrinxir acceso debes indicar que esta proba unicamente será accesible para o teu alumno número 2, da seguinte maneira:
   → Preme en engadir restrición e selecciona no recadro emerxente o campo Perfil de usuario
   → Configura a restrición seleccionando en Campo de perfil de usuario a opción Nome e a continuación selecciona o criterio é igual que, escribindo despois no recadro o nome do alumno número X que elixiras (só o nome, que neste caso será AlumnoX_moodle).
   - Todos os demais apartados deben quedar sen modificación.
4. Finalmente pulsa o botón Gardar e volver ao curso.
   
   IMPORTANTE: Esta nova proba debe conter 2 preguntas do tipo que desexes (verdadeiro ou falso, resposta directa...). Estas 2 novas preguntas deberás crealas previamente no Banco de preguntas, igual que fixeches nunha tarefa anterior deste mesmo curso.

*COMPROBACIÓN OBRIGATORIA*: Cando teñas a proba xa creada, debes comprobar que realmente só pode acceder a esta proba o teu alumno número X.
Para facer esta comprobación, entra no teu curso identificándote cos datos do Alumno A (diferente ao que elixiras como X) para comprobar que non podes acceder a esa proba e a continuación entra de novo identificándote cos datos do Alumno X para comprobar que si tes acceso á proba.