Práctica 1. Engade un foro no tema 1 do curso

Nesta tarefa traballaremos as seguintes funcionalidades da aula virtual:

1. Familiarizarse cos diversos tipos de actividades que ofrece Moodle.
2. Practicar a creación de foros.

 Pasos para realizar a tarefa:

1. Accede ao teu curso.
2. Activa o modo edición.
3. No tema 1 do teu curso, pulsa na ligazón Engadir unha actividade ou un recurso e engade un Foro coas seguintes características:
   
   - Localización do foro = o foro debe ir colocado debaixo (inmediatamente despois) da etiqueta Actividades.
   - No apartado Xeral introduce como Nome do foro = Foro de dúbidas e consultas.
   - No apartado Xeral introduce no campo Descrición = un pequeno texto onde expliques para que serve este foro ou cal é a súa utilidade dentro do curso.
   - No apartado Xeral selecciona Tipo de foro = Foro estándar para uso xeral.
   - No apartado Subscrición e seguimento debes seleccionar a opción Modo de subscrición = Subscrición forzada.
   - No apartado Configuración común do módulo selecciona a opción Modo de grupo = Sen grupos.
   
   
4. Despois de crear este foro, como mínimo 1 alumno/a debe realizar unha pregunta no foro e o profesor ou profesora responderá a esta consulta. É dicir, debes entrar no curso identificándote cos datos dun/ha alumno/a e realizar unha consulta no foro, a continuación entrarás no curso identificándote cos datos do/a profesor/a e responderás á pregunta.