O pasado venres, os alumnos e alumnas de 3º e 4º de primaria, fomos ao Aeroporto de Peinador en Vigo.
Foi unha xornada espectacular onde nos convertemos en auténticos viaxeiros por un día!
Percorremos todo o proceso que se vive nun aeroporto:
- Aprendemos a ler os paneis para buscar o noso mostrador de facturación.
- Vimos como se xestiona a equipaxe e pasamos o control de seguridade.
- Pasamos polo finger directo cara á porta de embarque.
- Visitamos a zona de recollida de maletas e a aduana.
Unha sorpresa final... a visita non rematou aí. O máis emocionante foi ver o traballo do servizo de falcóns, que manteñen as pistas seguras, e coñecer aos bombeiros do aeroporto. Incluso nos deixaron subir ao camión e usar a mangueira!
Queremos dar as grazas a Aena por facernos pasar unha mañá tan interesante e divertida.
Xa estamos desexando coller o seguinte voo!
