Na Tepoteca, neste 11 de febreiro, conmemoramos o Día Internacional da Muller e da Nena na Ciencia cunha pequena exposición de libros; nela podemos ler historias de científicas que cambiaron o mundo cos seus descubrimentos.
O alumnado de 3º e 4º de primaria, partindo da idea de @alediciadamestra, investigaron sobre dez mulleres científicas españolas, catro delas galegas.
E os pequenos de 5º e 6º de infantil, tiveron a visita da "científica Korina" que lles falou de mulleres como Isabel Zendal e Marie Curie. Pero a mellor maneira de comprobar que mulleres e nenas tamén poden facer ciencia, é realizando un pequeno experimento, plastilina caseira de cores!
A continuación tedes unha mostra en imaxes.
