S1201054: Obxectivos e contidos

	Inicio do curso Presentacións e inscrición na aula virtual.

	1. Coñecer as posibilidades didácticas que teñen as ferramentas de diagramación e creación de mapas mentais e conceptuais. A incorporación das TICs no ensino / aprendizaxe obriga a efectuar algúns cambios no modelo didáctico empregado e nas estratexias pedagóxicas: Que modelos didácticos son axeitados ao uso das TICs na aula? Que papel poden xogar os mapas de ideas nos novos modelos didácticos?
	Competencia dixital, modelo CAIT e mapas de ideas. Mapas de ideas nas aulas Abalar.
	2. Deseñar mapas conceptuais e mentais empregando software libre. Empregaremos a aplicación FreeMind para crear mapas de ideas. É software Open source e xa está instalado nos ordenadores Abalar.
	Presentación de Freemind. Exemplos de mapas de ideas. Manexo de FreeMind: principais funcionalidades. Prácticas con FreeMind: Elaboración de mapas de ideas empregando contidos das túas materias / nivel educativo Presentación no encerado dixital dos mapas de ideas elaborados na sesión anterior. Exportación de mapas de ideas a diferentes formatos.

	3. Coñecer o funcionamento das ferramentas TIC para a creación de diagramas de fluxo. Empregaremos a aplicación DIA para crear diagramas de fluxo. É software Open source e non está instalado nos ordenadores Abalar.
	Presentación de DIA. Exemplos de diagramas de fluxo. Manexo de DIA: principais funcionalidades. Prácticas con DIA: Elaboración de diagramas de fluxo cos materiais tomados das túas materias. Presentación no encerado dixital dos diagramas elaborados Exportacións a diferentes formatos.

	Conclusións do curso: O uso de mapas de ideas, contribúen ao desenvolvemento da competencia dixital? Que axudas concretas aportan os mapas de ideas no desenvolvemento desta competencia? Que aplicación ou utilidade facilitan os mapas de ideas no contexto dunha aprendizaxe construtiva? FreeMind e DIA, e doado usalos nas aulas Abalar?

Última modificación: lunes, 21 de diciembre de 2015, 20:54