Actividade opcional de deseño dun mapa

Ola a todxs,

Hoxe ao longo do día teredes a presentación de onte dispoñible na Aula Virtual pero enviamos este mail para ser máis concretas á hora de dar indicacións a aquelxs que vos animedes a compartir un posible exercicio de deseño de mapeo nos vosos contextos.

Teredes como arquivo independente unha plantilla que titulamos ¿Como deseñar un mapa colectivo?. A nosa idea é que ao longo destes días poidades xogar a imaxinar unha actividade pedagóxica co voso alumnado, ou aos que xa esteades facendo algún exercicio de mapeo isto vos poida  axudar para reformular e dar novos pasos. O obxectivo compartir novos enfoques e recursos, como vos mesmxs diciades nas vosas presentacións.

A plantilla é unha proposta, podedes eliminar e sumar preguntas de forma que tamén poida servir para mellorar ou reformular a plantilla. Poderiamos pensar que estamos a construir xuntas un novo recurso dentro do propio proxecto Terra.

O que sí vos pediriamos é que aquelxs que esteades interesados en facer o exercicio, e seica presentalo e conversalo na sesión do xoves, nos enviedes un correo como tarde o martes (ou aquelas que tedes máis dúbidas e queredes esperar á exposición de ASF do mércores pois o xoves a primeira hora ^_^). Así nós poderemos axustar tempos e coordinar turnos de palabra.

Esperamos que a sesión de onte fora suxerente de cara a vosa actividade docente e que houbera pequenos momentos de inspiración.

Quedamos atentas ao mail e vémonos de novo o xoves.

Saúdos

María e Martín
Estudio Rurban_info@estudiorurban.com