INTRODUCIÓN

Benvidos e Benvidas a este curso a distancia para persoas coordinadoras das tecnoloxías da información e da comunicación en centros educativos. A idea do curso é que sexa o máis útil posible. Para elo meterémonos na pel de Brais, o coordinador TIC dun instituto imaxinario chamado IES do Xilgueiro. O instituto será imaxinario pero as situacións ás que se terá que enfrontar Brais serán as típicas de calquera coordinador TIC (primaria e secundaria), seguro que moi parecidas ás que ocorren no voso centro educativo. A través dos problemas que se lle aparecen e as posibles solucións, aproximarémonos o papel e as tarefas típicas dun coordinador TIC.

Ao longo deste módulo inicial de introdución explicaremos as liñas xerais do curso:

• os obxectivos a acadar ao final do proceso,
• os contidos modulares de traballo,
  
• a metodoloxía didáctica a empregar,
  
• as actividades a desenvolver,
• os criterios de avaliación.
  

Tamén teredes a guía didáctica detallada do mesmo, algúns consellos para a realización deste curso a distancia e os foros de presentación inicial do curso e de novas e anuncios. É conveniente ler con detemento estes apartados para situarse correctamente ante o curso.

Esperando que sexa do voso agrado, aproveitamos para animarvos nas tarefas que estades a desenvolver nos vosos centros educativos.