Compartir un vídeo externo
Compartir un vídeo externo
O presentador pode presentar un vídeo externo para compartir cos demais participantes. Para facelo debe picar sobre o botón de accións.
A continuación ábrese un cadro onde indicar a URL (o enderezo) do vídeo en internet, que pode ser de Vimeo, Youtube, Instructure, Twictch ou Daily Motion.
Compartindo un vídeo a través desta opción de BigBlueButton o presentador pode controlar a reprodución do mesmo, iniciando, detendo, reiniciando etc. segundo o seu criterio.
Desta maneira pode ir comentando, resaltando ou aclarando o contido audiovisual de xeito dirixido dado que tamén a imaxe da súa cámara e o son do seu micrófono emítense simultaneamente.
Cando o presentador considere que xa non é necesario o vídeo, deberá pulsar novamente o botón de accións e escoller a opción "Deixar de compartir o vídeo externo".
