Usuarios: accións sobre os participantes
Usuarios: accións sobre os participantes
Nunha xuntanza participan distintos usuarios. Cada un deles está representado por unha icona de distinta cor que pode ser cadrada ou circular e que ten no centro unha abreviatura do seu nome. Á dereita da icona aparece o nome do usuario. Unha pequena
icona na esquina inferior dereita de cada usuario indica o seu estado de son, que pode ser micro activado (micro verde), micro desactivado (micro vermello riscado) ou so escoitar (auriculares verdes).
Moderador e presentador
O control da xuntanza o exerce o "moderador" e a presentación a fai , naturalmente o "presentador". Ambos papeis recaen inicialmente sobre o profesor aínda que pode delegar esa función noutros participantes.
O papel de presentador indícase cun pequeno encerado debuxado na esquina superior esquerda da icona do usuario que o exerce. Será o encargado de expoñer ao resto de participantes a través da presentación central e terá control sobre ela podendo anotar,
escribir e debuxar enriba. Ten a opción de activar o modo de multiusuario do encerado permitindo a todos ou varios participantes editalo simultaneamente. Nese caso, un cartel indicará a quen corresponde cada un dos cursores que editan o
contido do encerado.
O moderador distínguese porque a súa icona é cadrada.
Na imaxe que aparece a continuación o usuario "Profesor ..." ten os dous papeis de moderador e presentador.
Pode haber varios moderadores simultaneamente pero un único presentador.
O "moderador" pode configurar o que os demais participantes poden facer. Unha vez iniciada a videoconferencia, picando na roda dentada no panel lateral de usuarios, será quen de escoller distintas accións de control sobre estes.
As distintas opcións deste menú son:
- Silenciar a todos os usuarios: fai que todos os usuarios queden en silencio.
- Silenciar a todos os usuarios agás o presentador: deixa ao presentador (que pode ser distinto do profesor) activado pero silencia aos demais.
- No caso de ter escollido unha das dúas opcións anteriores a opción dispoñible será a de "Devolver o son á xuntanza" para reverter o efecto.
- Bloquear espectadores: abre un novo menú con opcións específicas que se poden restrinxir/aplicar para os espectadores:
- Compartir a cámara web
- Ver a cámara web doutros espectadores
- Compartir o micrófono
- Enviar mensaxes á conversa pública
- Enviar mensaxes á conversa privada
- Editar notas compartidas
- Ver outros espectadores na lista de usuarios
- Normas para os convidados: permite ver e modificar a configuración das normas para os convidados á reunión.
- Gardar os nomes dos participantes:
descarga un arquivo de texto cos nomes dos participantes na sesión, o
que pode servir, por exemplo, como comprobante de asistencia.
- Limpar todas as reaccións: elimina as iconas que cada participante teña establecido para amosar o seu estado (iconas que substitúen ás iniciais que representan ao usuario, na imaxe do fondo unha man e unha cara).
- Crear salas parciais: define outras salas nas que asignar conxuntos dos usuarios presentes para debates en grupos.
- Escribir subtítulos: os subtítulos están destinados, en principio, en distintas linguas de información, traducións, etc. Cada subtítulo corresponde a unha lingua distinta. Dado que habitualmente todos os usuarios empregarán a mesma lingua para recibir a conferencia e as súas comunicacións poden utilizarse para abrir diversas canles dentro da mesma conferencia nas que presentar información aos alumnos.
- Taboleiro de análise da aprendizaxe: proporciona información respecto á duración da sesión, aos asistentes, etc.