E-DIXGAL

Creación dunha actividade BigBlueButton

Para crear unha actividade de videoconferencia procedemos como para engadir calquera outro tipo de actividade ou recurso. Primeiramente deberemos ter activada a edición para que nos permita facer modificacións na materia.

A continuación, buscaremos o tema ou sección onde a queremos incluír segundo o uso que lle imos dar.

• Podemos ter unha única actividade de BBB (sesión ou sala) que utilizaremos cantas veces sexan precisas ao longo do ano. Nese caso, a mellor opción será engadir esta actividade na sección Xeral do encabezamento. 
  
  
• Podemos crear distintas sesións/salas para distintas semanas ou temas. Nese caso podemos engadir esta actividade no(s) tema(s) un sección(s) que desexemos. 

Pulsamos a opción "+ Engadir unha actividade ou recurso" escollendo o tipo de actividade "BigBlueButton" na ventá emerxente.

A continuación cubriremos os datos principais da configuración da sesión:

• Tipo de instancia: aínda que o valor por defecto é "Sala/actividade con gravacións", en realidade non será posible gravar a sesión. 
  
  
• Axustes xerais.
  - Nome da aula virtual: título descritivo para identificala, tendo especial esmero no caso de ter múltiples sesións dentro do mesmo curso. 
  
  
• Axustes de actividade/sección:
  - Mensaxe de benvida: para personalizar a mensaxe que BBB presenta por defecto ao acceder á sesión.
  - Agardar polo moderador: de estar activada esta opción o alumnado non poden acceder á sala/sesión en tanto un moderador (normalmente o profesor) non estea presente.  
  
  
• Vista de gravación: non é posible editar ningún axuste.

• Bloquear os axustes: estas opcións de configuración son as que se poden establecer por defecto, pero todas elas poden ser modificadas polo moderador (creador da sala) en calquera momento, tamén durante a videconferencia.
  - Desactivar cámaras web: restrinxe a capacidade dos participantes para activar as súas webcams.
  - Desactivar micrófonos: restrinxe a capacidade dos participantes para activar os seus micrófonos. 
  - Desactivar as conversas privadas: limita a capacidade dos participantes para utilizar o chat para enviar mensaxes privadas a outros participantes, excepto para as mensaxes da parte privada co moderador. Aínda que a parola privada estea bloqueada, todos os participantes poden ver e responder ás parolas privadas do moderador.
  - Desactivar as conversas públicas: limita a capacidade dos participantes para utilizar a parola pública.
  - Desactivar as notas compartidas: restrinxe a capacidade dos participantes para ver e compartir notas.
  - Agochar a lista de usuarios: permítenos impedir que os participantes poidan ver a lista dos usuarios na sesión, de maneira que só poderán ver o seu propio usuario e mais o usuario do moderador.
  
  
• Rol asignado durante a sesión en directo: esta opción permítenos xestionar o rol que empregarán os usuarios matriculados na sesión e o usuario que exercerá como moderador.
  
  
• Horario da sesión: asigna unha data e hora de inicio e remate da sesión. De facelo, esa información quedará recollida no calendario do curso. Mentres non se cumpra a hora de inicio ninguén poderá iniciar sesión, nin siquiera o propio moderador poderá iniciar a sesión.
  

  

 

Despois de engadir e realizar a configuración da sesión, podemos ver que esta actividade móstrase dispoñible dentro do tema onde a engadimos.