E-DIXGAL

O entorno de Xeración de Contidos é a plataforma deseñada para crear contidos educativos integrada no proxecto E-Dixgal permitindo ao profesorado xerar recursos educativos de gran riqueza e crear unidades didácticas complementarias ao temario oficial.

A nova Ferramenta de Autor dota ao profesorado de recursos para a creación de unidades didácticas complementarias ao temario oficial que favorezan o traballo diario tanto na aula, como fóra dela.

Trátase dunha área personalizada, adaptada aos perfís de “profesor”, que contempla o desenvolvemento das principais funcionalidades de xestión de proxectos nos que se inclúen unha secuencia organizada de contidos e exercicios que poderán ser publicados nos entornos virtuais.

A nova “Ferramenta de autor para a xeración de contidos” integra as seguintes funcionalidades:

1. Xeración de exercicios de distinto tipo que poden ser utilizados como recurso complementario no Entorno Virtual de Aprendizaxe.
2. Xeración de contidos que poden ser enriquecidos con arquivos multimedia (imaxes, vídeos, audios, etc.). O profesorado poderá achegar todo o contido estático que necesite para completar a información que precisa expoñer.
3. Creación de proxectos que se poderán configurar como unidades didácticas complementarias utilizando exercicios e contidos creados previamente, conformando a ferramenta de interacción co alumnado e co resto da comunidade.
4. Posibilidade de publicar os proxectos en formato SCORM directamente na plataforma E- Dixgal.
5. Capacidade para compartir proxectos e xerar un espazo común de traballo entre o profesorado.

Módulos principais

A Ferramenta de Autor está composta por tres grandes módulos nos que se agruparán as diferentes funcionalidades que permitirán realizar as seguintes tarefas:

• Módulo Exercicios: agrupa as funcionalidades para crear, modificar e eliminar os diferentes tipos de exercicios como actividades a presentar ao alumnado. Estas actividades poderán ser clasificadas do seguinte xeito, atendendo as súas características e modo de presentación da información:
  • Exercicios avaliables: poden ser utilizados polo profesorado para avaliar os grados de coñecemento adquirido polo alumnado.

    

  • Contidos interactivos: son recursos que permiten ao profesor presentar a información de xeito máis visual coa incorporación de distintos elementos, tales como imaxes, exercicios avaliables, presentacións, ...
    

    

    
    
    
• Módulo Contidos estáticos: agrupa as funcionalidades para crear, modificar e eliminar o contido explicativo sobre un determinado tema. Pode ser utilizado para a configuración de contido fixo a través do editor avanzado que permite a combinación de texto, vídeo, audio... en distintos parágrafos.
  
  
• Módulo Proxectos: desde este módulo poderá configurarse un proxecto para un ou varios cursos e para unha materia determinada ou varias utilizando os recursos educativos previamente creados (exercicios e/ou contidos) conformado as unidades didácticas complementarias para presentar á comunidade. As funcionalidades dispoñibles desde este menú son:
  
  
  • Crear, modificar, eliminar un proxecto.
  • Publicar en formato SCORM directamente na plataforma E-Dixgal.
  • Compartir proxectos nun espazo de traballo.