O Parque Micolóxico: un espazo gastrodidáctico é un proxecto educativo e ambiental desenvolvido no IES de Vilalonga que aposta pola aprendizaxe activa a través do contacto coa natureza. A iniciativa ten como obxectivo a creación dun bosque micolóxico nunha parcela cedida polo concello de Sanxenxo, así como dun horto micolóxico no propio centro educativo, onde o alumnado poderá experimentar, investigar e aprender sobre o mundo dos fungos. O proxecto fomenta valores como a sustentabilidade, o respecto polo medio natural e a educación científica, integrando coñecementos de bioloxía, medio ambiente e desenvolvemento local nun contexto real e próximo.
Nunha primeira fase do proxecto, centrarémonos na preparación dos elementos necesarios, tales como:
- A selección dos cogomelos e árbores micorrizadas.
- A plantación dun bosque micolóxico.
- A creación dunha horta.
