O centro participa no programa de Proxectos de Inclusión Educativa (PIE), unha iniciativa que apoia o desenvolvemento de actuacións orientadas a converter os centros educativos en referentes en inclusión, igualdade, convivencia e benestar emocional. Neste curso desenvolvemos as modalidades de Impulso da igualdade e Mellora da convivencia, promovendo prácticas educativas que favorecen a igualdade de oportunidades, o respecto mutuo e un clima escolar positivo. O proxecto impulsa metodoloxías inclusivas e accións que poden ser compartidas e adaptadas por outros centros. A través do PIE, traballamos de forma transversal a competencia emocional e a cohesión do centro.
