drupal6edit: Taxonomías e roles: permisos de publicación

5b. Taxonomías e roles: permisos de publicación

Nunha práctica anterior comprobamos que os usuarios dos roles "profesorado" ou "anpa" unicamente podían publicar contidos nos termos do vocabulario asociado ao menú "Departamentos". (Convén lembrar que o rol "anpa" foi inicialmente un duplicado do rol profesorado)

Evidentemente non ten sentido que usuarios do rol anpa podan publicar contidos en "Departamentos". Imos modificar os permisos para que o usuario painai1 do rol anpa unicamente poida publicar nos termos da taxonomía Pais/Nais.

Posteriormente personalizaremos o aspecto do sitio web cando se acceda aos contidos da taxonomía Pais/Nais.

a) Establecemento de permisos para o acceso aos contidos dos diferentes roles en función da taxonomía

Os pasos a seguir serían os seguintes:

1. Como usuario admin, Administrar > Xestión dos usuarios > Taxonomy Access Permissions
2. Editar os permisos para o rol anpa
3. Observar na pantalla que aparecen en "categoría" 3 opcións en negrita:
  - Global: permite para o rol seleccionado establecer os permisos para todas as taxonomías de xeito xeral . Esta configuración global surtirá efecto sempre e cando non se especifique unha configuración de permisos diferente para unha determinada taxonomía engadida coa opción "New".
  - Departamentos: A taxonomía "Departamentos" ten unha configuración diferente á global. Ten marcada inicialmente a opción de "Crear": esta é razón pola que na práctica anterior o vocabulario "Departamentos" era a única posibilidade á hora de crear un contido.
  - New: Permite establecer unha configuración de permisos diferente á global para unha determinada taxonomía ou un termo en concreto dunha taxonomía.
4. Existen cinco tipo de permisos para cada categoría: Ver, actualizar, Borrar, Crear e Lista. Os permisos Ver, actualizar e borrar poden ter tres estados: A (Allow: Permitir), I (Ignore: Ignorar) e D (Deny: Denegar). Na práctica, Ignore e Deny teñen os mesmos efectos.
5. Dado que xa se estableceron nunha tarefa anterior (revisar tarefa 2 en caso de dúbida) os permisos de crear, editar e borrar os propios contidos de tipo páxina para o rol "anpa" na ruta Administrar > Xestión de usuarios > Permisos, será preciso:
  - Desactivar a opción "Crear" na categoría "Departamentos": Deste xeito, un usuario do rol anpa xa non poderá crear contido no vocabulario "Departamentos".
  - En New, despregar o menú e seleccionar a opción *default* da categoría de "Pais/Nais". (Ollo: cada categoría ten o seu propio default). Establecer os seguintes permisos:
    - - Ver: Allow (A)
      - Actualizar e Borrar: pode deixarse en Ignore (I). Aínda que "Ignore" denega ao igual que "Deny" (D), nos permisos do rol anpa asignouse a posibilidade de "edit own page content" e "delete own page content" para todo o sitio (revisar tarefa 2 en caso de súbida), polo que poderán actualizar ou borrar os seus propios contidos.
      - Marcar as opcións "Crear" e "Lista".
  - Facer click en "Engadir"
6. Finalmente gardar os cambios ("Save all").
7. Tal e como consta na documentación, é conveniente reconstruir a táboa de permisos de acceso de Drupal no menú > Administrar > Administración do contido > Configuración do artigo > Reconstruir permisos.

NOTA: Con esta configuración de permisos, o usuario painai1 xa pode crear contidos nos termos da taxonomía Pais/Nais, pero xa non poderá crear novos contidos en Departamentos. Pero si poderá editar os contidos publicados con anterioridade ao cambio de permisos.

En calquera caso, un usuario administrador sempre poderá editar calquera contido na ruta Administrar > Administración do contido > Contido.

É conveniente revisar os permisos globais para o resto dos roles, e comprobar que só o rol administrador ten permisos de creación de contidos para todas as taxonomías.

RECOMENDACIÓN: O rol de usuario anónimo non debe ter permisos de creación de contidos en ningunha taxonomía.

b) Aplicación dun tema diferente para unha taxonomía

O obxectivo é modificar a apariencia da web cambiando a plantilla en función das regras que se estabrezan. No noso caso, o que pretendemos é empregar o tema 0 Point cando se visualicen os contidos publicados no menú Pais/Nais (Dito menú, como vimos previamente neste curso, está asociado a unha taxonomía que ten o mesmo nome que o menú).

Empregarase o módulo themekey. Este módulo está inicialmente desactivado, polo que previamente hai que proceder á súa activación.

É moi importante resaltar que cada vez que se activa un novo módulo en Drupal haberá que revisar a configuración de permisos para os diferentes roles.

Os pasos a seguir serían os seguintes:

1. Como usuario admin, na ruta Administrar > Construción do sitio > Módulos
2. Buscar o módulo "ThemeKey" e seleccionalo para proceder á súa activación. (Unicamente a primeira opción: "ThemeKey". O resto das opcións non son precisas).
3. Gardar a configuración.
4. Na ruta Administrar > Xestión de usuarios > Permisos, revisar o módulo Themekey activando todos os permisos unicamente para o rol de administrador.
5. Gardar os cambios.
6. Na ruta Administrar > Administración do contido > Taxonomía, aparecerá a lista das taxonomías existentes no noso sitio. Colocando o punteiro do rato enriba de "editar vocabulario" de Pais/Nais aparecerá a ruta da ligazón na parte inferior do navegador: www.edu.xunta.es/centros/cursoXX/admin/content/taxonomy/edit/vocabulary/6 . Debemos lembrar o número final do vocabulario que o identifica de forma unívoca no sistema.
7. Na ruta Administrar > Configuración do sitio > ThemeKey, engadir unha nova regra:
  - En "Theme Switching Rule" despregar o combo e seleccionar "taxonomy:vid" = 6 (vid: vocabulary id -Identificador do vocabulario-)
  - En Tema, escoller "0 Point"
  - Gardar a configuración. Crearase a nova regra
8. Comprobar o resultado entrando en calquera dos elementos do menú Pais/Nais.

A DESTACAR:

Observar que a configuración dos bloques así como o logotipo para o tema 0 Point é diferente dos establecidos para o tema que escollemos no primeiro bloque do curso.
De xeito similar, podería especificarse unha regra só para un dos termos de Pais/Nais.
- Situando o punteiro enriba dun dos termos do menú, aparecerá a correspondente ruta da ligazón, do tipo:www.edu.xunta.gal/centros/cursoXX/taxonomy/term/31, que no noso caso corresponde co termo ANPA.
- Poderiamos modificar a regra: taxonomy:tid = 31 e unha plantilla diferente, de xeito que cando se acceda a ANPA visualizaríase o novo tema. (tid: term id -Identificador do termo-)

c) Creación de alias de URL

Xa vimos nunha práctica anterior que era posible asignar un alias a un contido para renomear o nodo correspondente node/XX por "nome-escollido".

Agora veremos que tamén é posible renomear non só os nodos, senón tamén os termos dunha taxonomía.

Ímolo facer para o termo ANPA de Pais/Nais

Os pasos a seguir serían os seguintes:

1. Como usuario admin, ruta Administrar > Construción do sitio > Alias de URL
2. Facer click en "Engadir un alias"
3. En "Ruta existente no sistema", especificar o número identificativo do termo desexado. (No noso caso 31): taxonomy/term/31
4. En "Alias de Ruta" especificamos o nome desexado: anpa
5. Facer click en crear novo alias.
6. Se agora escribimos no navegador "www.edu.xunta.gal/centros/cursoXX/anpa" será equivalente a "www.edu.xunta.gal/centros/cursoXX/taxonomy/term/31"