Creación de contidos I

a. Creación de contidos

Drupal permite crear diferentes tipos de contidos.

No enlace Administrar > Administración do contido > Tipos de contido podemos observar os distintos tipos de contido que permite inicialmente a plataforma, aínda que se poden habilitar máis.

Moitos deles (páxina, artigo do blogue, historia) son moi semellantes entre eles, cambiando unicamente as opcións preconfiguradas de inicio cando se fai unha publicación (comentarios permitidos, promocionado ou non á páxina principal, etc). En calquera caso, sempre é posible cambiar a configuración inicial no momento de crear o contido. Tamén é posible crear novos tipos de contido.

Os contidos de tipo evento permiten xerar unha entrada no calendario da web. No día especificado para o evento habilitarase un hipervínculo coa información correspondente ao contido.

Con carácter xeral, á hora de crear un contido haberá que especificar de xeito obrigatorio o título, que actuará como hipervínculo, e o corpo, que conterá a información propiamente dita.

Ademais, aparecerán un conxunto de vocabularios que teñen o mesmo nome que os menús situados nas barras laterais esquerda e dereita do noso sitio web. Ao despregar cada un dos vocabularios aparecerán os termos (submenús) dispoñibles na nosa páxina. Esta opción permitiranos publicar un contido no termo elixido. Nun apartado posterior do curso, adicado ás taxonomías, explicarase como xestionar os vocabularios e os menús.

Unha vez se almacena un contido en Drupal convírtese automaticamente nun "nodo" e recibe un número natural único de identificación na plataforma. A URL de acceso a calquera contido en Drupal será do tipo:

www.edu.xunta.es/centros/cursoXX/node/nº-identificación-do-nodo

Coa configuración inicial dos sitios web, unicamente os usuarios administradores disporán das "Opcións de Publicación", que permiten:

• Promocionar un contido á páxina principal permite dar maior publicidade ou difusión a determinados contidos importantes ou merecedores da atención dos usuarios do noso sitio. En calquera caso, non é recomendable promocionar moitos contidos á páxina principal, porque pode producir o efecto contrario ao desexado. Téñase en conta que en Drupal a publicación de contidos realízase de xeito que o último contido publicado é o primeiro que aparece, polo que abusar da promoción de contidos á páxina principal pode ocultar información relevante aos nosos usuarios.
• Por outra banda, establecer un contido como "Pegañoso no comezo das listas", fará que un contido non sexa desprazado por outros contidos máis recentes, polo que sempre estará visible en primeiro lugar. Por exemplo, a páxina de benvida do centro sempre é un contido con esta opción habilitada.

Nesta tarefa publicaranse contidos de tipo páxina e evento, e analizarase o comportamento da plataforma en función do rol do usuario que fai a publicación.

Personalizaremos a páxina de benvida do centro incorporando unha imaxe.

Os pasos a seguir serían os seguintes:

1. 1. Como usuario admin, facer click na páxina de inicio do centro sobre "Benvida" e  "Editar". (Tamén é posible acceder a todos os contidos publicados a través da ruta Administrar > Administración do contido > Contido).
      
   2. Na páxina que se desprega especifícase o título da páxina ("Benvida"), que actuará como hipervínculo, un conxunto de vocabularios nos que é posible despregar diferentes opcións e o Corpo do contido, ademais dun conxunto de varias opcións despregables na parte inferior.
   3. Observar que no conxunto de vocabularios aparece en todos a opción "Ningún seleccionado". Isto implica que o contido "Benvida" non estará accesible por medio de ningún dos menús das barras laterais esquerda e dereita do noso sitio web.
   4. Editar o corpo substituíndo "Benvidos ao novo sitio de Webs dinámicas!" por "Benvidos ao sitio de o voso nome".
   5. Subir unha imaxe (a que queirades) facendo click na icona "Insertar/Editar imaxe" no corpo do documento.
      • En URL da imaxe, facer click na icona da dereita. Abrirase unha ventá onde poderemos:
        • Subir o fichero de imaxe desde o noso equipo ao servidor, seleccionando a opción "Upload". Posteriormente seleccionarase a imaxe e farase click en "Subir".
        • Borrar un ficheiro xa subido.
        • Insertar un ficheiro subido con anterioridade ao servidor. 
   6. En "Descripción da imaxe", especificar un texto alternativo para a imaxe. Este texto resulta especialmente importante para os usuarios con discapacidade visual, pois o sistema operativo lerá o texto para proporcionar información a estes usuarios.
   7. En aliñación: "Ningún".
   8. En Dimensión pódese modificar o tamaño orixinal da imaxe (Importante gardar a relación de aspecto, para non deformar a imaxe en anchura ou altura).
   9. Pódese definir un borde ou marxes para a imaxe, especificando o número de píxeles que ocupará cada un deles.
   10. Centrar a imaxe por medio da icona do editor.
   11. Observar as opcións de publicación: ten marcadas todas as opcións
       • Publicado: O contido é accesible para o resto dos usuarios
       • Promocionado á páxina principal: por esta razón este contido é accesible desde a páxina principal do centro.
       • Pegañoso no comezo das listas: para que cando se promocionen outros contidos á páxina principal non desprace este contido de benvida.
   12. Facer click en "Gardar".

Imos publicar un contido no submenú O centro > Localización coa xeolocalización do noso centro educativo a través de GoogleMaps.

Os pasos a seguir serían os seguintes:

1. 1. Acceder a GoogleMaps (Non é necesario ter a sesión de Google iniciada).
   2. Localizar no mapa a ubicación elixida tecleando o nome do centro no buscador de GoogleMaps.
   3. Unha vez localizado, seleccionar "Compartir" (Share) > "Insertar Mapa" (Embed map)
      
   4. Copiar o código seleccionado ao portapapeles (etiqueta iframe).
   5. Como usuario admin, crear contido tipo páxina. (Observar que existen varias posibilidades: Artigo do blogue, Book page, Evento, Historia, Imaxe, Páxina e Webform).
   6. Título: "A nosa localización"
   7. Vocabularios: Seleccionar O centro > Localización
   8. No Corpo, pegar o código seleccionado facendo click previamente en "Desactivar o texto enriquecido". Ao facer esta acción, estamos indicando a Drupal que non amose simplemente o texto senón que indique aos navegadores que cando accedan ao contido interpreten que en lugar dese código deben amosar o mapa correspondente.
   9. Deixamos o resto das opcións por defecto.
   10. Gardar os cambios.
   11. Comprobar que facendo click sobre o termo O centro > Localización é posible acceder ao contido.
   12. O contido almacénase como un nodo cun número único na ruta: www.edu.xunta.es/centros/cursoXX/node/nº-de-nodo. Imos converter a ruta anterior nunha ruta máis amigable e sinxela para lembrar:
   13. Editar o contido recén creado.
   14. En "axustes de ruta URL": localizacion (Ollo: Ao tratarse dunha URL non pode levar acentos, letras ñ nin caracteres especiais)
   15. Gardar.
   16. Probar a escribir no navegador a URL: "www.edu.xunta.es/centros/cursoXX/localizacion" e comprobar que se accede directamente ao contido.

NOTA: como usuario admin, está dispoñible a opción "Configuración do menú". Esta opción permite xerar un hipervínculo ao contido creado mediante un elemento de menú estático (submenú) no menú especificado, cun efecto idéntico ao traballado na tarefa 1b. (Os nomes dos menús aparecen entre os símbolos <>).

Non convén abusar desta opción. É moi importante decatarse que o elemento de menú así creado non permite facer publicacións de ningún tipo de contido dentro del como acontecía co resto dos vocabularios. Simplemente actúa como hipervínculo dentro do menú ao contido.

Os pasos a seguir serían os seguintes:

1. 1. Como usuario profe, observar que non aparece a opción de Administrar no menú de Navegación.
      
   2. Crear un contido tipo páxina. Observar que non existe a posibilidade de crear un tipo de contido "artigo de blogue", "Book page" ou "Historia" pero sí o resto das opcións que tiña tamén o administrador (Evento, Imaxe, Páxina e Webform). Por que? (Proba a revisar como admin os permisos do módulo blog para o rol profesorado...están habilitados? Revisa de xeito semellante os contidos tipo story ou book no módulo node para o rol profesorado...)
      
   3. Observar que a lista de vocabularios para o usuario profe do rol profesorado unicamente contempla o vocabulario "Departamentos". (Máis adiante no curso verase como habilitar a publicación noutros vocabularios). Seleccionar o termo Matemáticas.
      
   4. Engadir:
      • Como título: "Programación de matemáticas"
      • Como corpo: "Programación Departamento de Matemáticas 2021-22". Ademais:
        • Unha imaxe aliñada á dereita co texto anterior á esquerda. (Ver información sobre Imaxes).
          
        • Un hipervínculo a un arquivo pdf que deberás subir previamente como ficheiro adxunto . (Ver información sobre Hipervínculos e Xuntar ficheiros )
          
   5. Observar que o usuario profe non ten permisos de "Opcións de publicación", como por exemplo promocionar un contido á páxina principal ou poñelo como pegañoso no comezo das listas.... Por que? (Proba a revisar como admin o permiso "Administrar nodos" do módulo node para o rol profesorado...está habilitado?)
   6. Gardar os cambios.

NOTA:  Drupal permite limitar aspectos como o tamaño ou tipo dos arquivos subidos como adxuntos a un contido na ruta Administrar > Configuración do sitio > Ficheiros cargados.

Os pasos a seguir serían os seguintes:

1. 1. Como usuario profe, Crear contido > Evento.
      
   2. Poñer como Título: "Exame de matemáticas".
   3. No vocabulario Departamentos, podemos escoller se se desexa o termo Matemáticas. Deste xeito, o contido publicarase no termo (submenú) Matemáticas do menú Departamentos, ademais de facerse visible no calendario.
   4. No corpo do Documento, especificar un texto calquera: "Temas 4, 5 e 6".
   5. En Eventos, Data de inicio, especificar a data/hora de comezo do exame:  21 de marzo de 2024 ás 12:00.
   6. Marcar a opción "Event has end date", que permite establecer unha data límite, e especificar a data e hora de remate do exame: 21 de marzo de 2024 ás 14:00.
   7. Gardar os cambios.
   8. Pasar o rato por riba do día especificado no calendario e facer click no hipervínculo correspondente. En caso de existir varios eventos coincidentes o mesmo día é posible filtrar polo termo especificado no punto 3. Tamén é posible obter vistas semanais, mensuais o en formato táboa dos eventos do calendario.