moodle: Tarefa 3.3. Crea un "resultado" (competencia) para avaliar tarefas

Tarefa 3.3. Crea un "resultado" (competencia) para avaliar tarefas.

Obxectivos da tarefa

Comprender a utilidade dos "resultados" en Moodle.
Familiarizarse coa creación e xestión de "resultados" (competencias) para a avaliación de tarefas
Aprender a crear actividades de tipo "tarefa".

Como realizar esta tarefa

Nesta tarefa aprenderemos a crear "resultados" que usaremos posteriormente para cualificar as tarefas dos nosos alumnos. En concreto crearemos un "resultado" que nos servirá para avaliar unha tarefa de grupo.

Accede ao espazo de prácticas, facendo clic no enlace "Aula virtual de prácticas" que aparece no bloque da esquina superior dereita deste curso.
Identificáte co usuario e contrasinal que che foi asignado para acceder a este espazo.
Pulsa (fai clic) sobre o nome do teu curso, o que creaches e configuraches nas tarefas anteriores
No bloque "Administración", fai clic no menú "Administración do curso - Resultados"
Na pantalla que aparece, fai clic no enlace "Editar os resultados" que se mostra no centro da pantalla.
Pulsa no botón "Engadir un novo resultado"
Introduce os seguintes datos:
Nome completo = Traballa ben e colabora co grupo
Nome curto = Traballo-grupo
Escala = Si/Non
Finalmente pulsa o botón "Gardar modificacións"

Como enviar esta tarefa despois de realizada

Unha vez realizada a tarefa, debes enviala para corrixir seguindo estes pasos:

Entra na aula virtual de prácticas, identificándote co teu usuario "profesor" e entra no teu curso.
Copia a dirección URL que aparece na barra de direccións do teu navegador de internet cando estás na pantalla "Administración do curso/Resultados" (paso 4 desta tarefa).
Pulsa o botón "Engadir entrega" que aparece na parte inferior desta tarefa.
Pega a dirección URL que copiaches anteriormente no recadro de texto que aparece aqui, en "engadir entrega".
Finalmente pulsa o botón "Gardar os cambios".

Información Crear "escalas" personalizadas de cualificación dos resultados

Nesta tarefa usamos unha escala xa creada anterioremente, pero poderiamos crear as nosas propias "escalas" personalizadas para usar nas cualificacións dos nosos resultados.

Este sería o procedemento para crear unha nova escala:

1.- Entra no teu propio curso
2.- No bloque "Administración - Administración do curso" pulsa sobre o menú "Resultados"
3.- Neste mesmo bloque, verás que agora aparece a opción "Escalas" debaixo de "Resultados". Fai clic sobre "Escalas".
4.- Pulsa sobre o botón "Engadir unha nova escala"
5.- Ponlle un nome á túa escala e introduce os valores que queiras separados por comas, desde o máis negativo ao máis positivo. Por exemplo: "nunca, ás veces, habitualmente, sempre".
6.- Finalmente pulsa o botón "Gardar modificacións".