Proxecto de instalación dun sistema domótico de control da luminosidade dunha vivenda
Requisitos do completado
Como traballadores dunha pequena empresa adicada á instalación de sistemas de telecomunicacións, recibimos un encargo para domotizar unha vivenda de xeito que, en función da luminosidade, horas de sol, etc, as persianas abran e pechen de xeito automático. O sistema permitirá a programación mediante un dispositivo móbil e será regulable polo usuario final.
Así pois, nesta práctica o alumnado terá que realizar un proxecto de instalación dun sistema domótico de control da luminosidade dunha vivenda con sete estancias mediante a automatización das persianas.
O proxecto incluirá:
- Identificación dos elementos necesarios para a instalación
- Cálculos teóricos para a instalación
- Simulación software da instalación
- Selección do material necesario para a implementación da instalación.
- Realización práctica da instalación
- Realización dun orzamento da instalación
- Documentación técnica da instalación de acordo coa normativa vixente.
- Realización dun contido multimedia coa explicación de todo o proceso.
O traballo realizarase por parellas e será avaliado por medio dunha rúbrica.
A entrega fóra de prazo da tarefa penalizará 1 punto a nota final da tarefa.