Creación e edición de contido en Drupal

Creación e edición de contidos en Drupal

Drupal permite crear diferentes tipos de contidos. Con carácter xeral, á hora de crear un contido haberá que especificar de xeito obrigatorio o título, que actuará como hipervínculo. Adicionalmente, en función do tipo de contido, haberá que cumprimentar outros campos de información (corpo, referencia a termos de taxonomía, ficheiros adxuntos...), que poden ser obrigatorios ou opcionais, segundo se establecera na propia definición do tipo de contido.

A continuación amosaranse de xeito detallado os pasos de creación dun contido de tipo Artigo, sendo o proceso moi similar para o resto de tipo de contidos existentes no sitio web. 

Creación de contidos en Drupal. Pasos a seguir

• Xestionar > Contido > +Agregar contido (Elixir o tipo de contido)

• Cumprimentar a información requirida (exponse a continuación o formulario do tipo de contido Artigo) 
  • Título: obrigatorio, actuará como hipervínculo ao contido completo.
  • Imaxe: No caso dos contidos de tipo Artigo nos sitios web do proxecto Webs Dinámicas, a imaxe é obrigatoria. 
    • Se o usuario non engade unha imaxe específica, o sistema engadirá unha imaxe por defecto.
  • Taxonomías. Se hai taxonomías definidas na web e o tipo de contido ten os campos para asocialas, póderase elíxir en que termo ou termos de taxonomía se publica o contido (Ver enlace Clasificación do contido: taxonomías, que se analizará nun apartado posterior da documentación).
  • Corpo: Texto específico coa información do contido. Un editor HTML permite dar formato ao contido do corpo.
  • Formato de texto. Determina que etiquetas HTML se poderán empregar no corpo do contido. Normalmente déixase o valor por defecto.
  • Publicado. Desmarcando esta opción o contido quedará como borrador e só será visible para os creadores dese contido, administradores e editores principais do sitio.

• Paragraphs: Ver (*) a pé de páxina 
• Subir arquivos públicos / Subir arquivos privados: Ver (**) a pé de páxina 
• Introducir outras opcións (descríbense a continuación as opcións do panel á dereita do formulario):
  • Mensaxe do historial de revisións: Cada vez que se edita un contido créase unha nova versión do mesmo. Neste campo pódese deixar constancia dos cambios que se fan de cada vez.

• • Access by taxonomy: Ver (***) a pé de páxina 
  • Configuración do menú (só para usuarios co rol editor principal).
    • Permite crear directamente unha ligazón ao contido desde un menú.
      • Proporcionar un enlace do menú
      • Título da ligazón do menú: Poñer un título para a ligazón.
      • Enlace pai (Parent link): Escoller o elemento de menú do que colgará a nova ligazón.

• • Opcións de planificación: Permite planificar a publicación/despublicación automática de contidos, para o que será preciso establecer as datas e horas correspondentes.
    • Convén ter presente que a publicación/despublicación non é inmediata, estando vinculada á execución do cron do sistema.

• • Alias de URL.
    • Permite construír rutas amigables de xeito que a ruta de acceso ao contido, en vez de ser do tipo node/# sexa mediante unha palabra ou cadea significativa, máis doada de lembrar. Por exemplo, para facer referencia a un contido relativo ao magosto do ano 2023, que responde ao nodo 7, a ruta de acceso a ese contido sería calquera das seguintes: 
      • https://centros.edu.xunta.gal/nome-do-centro/node/7
      • https://centros.edu.xunta.gal/nome-do-centro/magosto2023
    • Débese introducir a barra / antes da palabra.

• • Información do autor (só para usuarios co rol editor principal).
    • Creado por: Amosa o nome do usuario autor do contido. 
      • Hai que ter en conta que a configuración dos diferentes tipos de contido no novo modelo de web con Drupal para centros educativos, establece por defecto que non se amose o autor do contido aos usuarios anónimos que visitan o sitio.
      • Borrando o contido do campo "Creado por" non se amosará quen é o autor do contido e quedará como se fose creado polo usuario Anónimo.
      • Cambiando o valor do campo "Creado por" polo nome de usuario doutro usuario, cámbiase o autor do contido. Debe introducirse un nome de usuario existente.
    • Creado en: Permite cambiar a data e a hora de publicación. Con isto lógrase alterar a orde en que aparecen os contidos na páxina principal. 
      • Nos tipos de contido Artigo, os contidos máis recentes aparecen primeiro.

• • Opcións de promoción (só para usuarios co rol editor principal).
    • Promocionado á páxina principal. Publica o contido na portada da web. Ao tratarse dun artigo, na zona de novas.
    • Pegañoso no comezo das listas. Os contidos que teñen esta marca aparecen antes que os que non a teñen, con independencia da data da súa creación/modificación. Non se recomenda o seu uso salvo en casos moi puntuais.

• Vista previa. Existe a posibilidade de ver como quedará o contido antes de proceder a gardalo.
  • Na parte superior da web aparece unha barra que permite elixir entre a versión completa ou recortada (resumo) do contido.
  • Tamén un botón para volver ao formulario de edición para facer máis cambios ou gardalo.

• Gardar.