Usuarios, permisos e roles

En Drupal existen dous roles de usuario por defecto denominados usuario autenticado e usuario anónimo, que non se poden eliminar. 

Calquera usuario que se identifique na web cunha conta de acceso pertencerá automaticamente ao rol de "usuario autenticado". No caso contrario, o seu rol na plataforma será o de "usuario anónimo".

De xeito adicional, inicialmente proporciónanse dous roles a maiores, administrador e editor de contido. 

Cada rol ten unha serie de permisos configurables. Así, por exemplo, os usuarios do rol administrador teñen inicialmente activos todos os permisos na web. En cambio, os editores de contido teñen unicamente permisos de creación, edición e borrado dos seus propios contidos da web.

Os administradores do sitio web poden crear novos roles e asignar os permisos correspondentes.

Os permisos dos usuarios na web virán determinados polo rol ou roles aos que pertenzan, de xeito que todos os usuarios dun determinado rol disporán dos mesmos permisos na plataforma.

A xestión de usuarios, roles e permisos realízase desde a ruta Administrar > Persoas

• Administrar > Persoas > Lista: Amosa os usuarios definidos no sitio e permite crear novos usuarios premendo no botón +Engadir usuario/a
  • Cada centro educativo dispón inicialmente de dous usuarios co rol de administrador: o usuario admin e o usuario webmaster. Os centros traballarán normalmente co usuario admin para tarefas de administración do sitio web, e deberán respectar (non borrar nin modificar) o usuario webmaster, que permite a atención telemática do persoal asesor abalar de zona correspondente en caso de dúbidas ou funcionamentos incorrectos.
  • Con carácter xeral os centros educativos crearán unha conta de usuario para cada profesor/a que publique contidos na web.
• Administrar > Persoas > Roles: Amosa os roles definidos no sitio e permite crear novos roles premendo no botón +Engadir rol
  • Recoméndase que o profesorado teña o rol de Editor de contido ou engadir un rol específico cos permisos oportunos.
    
• Administrar > Persoas > Permisos: Amosa e permite modificar os permisos dispoñibles para cada un dos roles definidos no sistema.

A continuación describirase paso a paso a creación dun rol profesorado con permisos de creación, edición e borrado dos contidos propios. (Tomarase como referencia o rol editor de contido):

CREACIÓN DUN NOVO ROL

• Administrar > Persoas > Roles > Engadir rol: Profesorado

DUPLICAR UN ROL

• Pódese aproveitar un rol existente se se quere crear un rol con permisos moi parecidos usando o módulo Duplicate Role.
• Ir a Administrar > Estender, buscar o módulo Duplicate Role, activalo se non o está.
• Desde Administrar > Persoas > Roles ahora aparece +Duplicate rol a maiores de +Engadir rol

• Premer en +Duplicate role e seleccionar o rol a duplicar e engadir o nome do novo rol.

• Con esto xa aparece na lista de roles o novo rol creado. Só temos que ir a permisos e marcar ou desmarcar os permisos que se queren cambiar.

ASIGNACIÓN DE PERMISOS

• Administrar > Persoas > Permisos (Descríbense unicamente os permisos a activar/cambiar en relación ao rol editor do contido. Basicamente as diferencias son deixar activas unicamente as opcións contidos propios, non calquera contido)

ENGADIR UN NOVO USUARIO

Para dar de alta usuarios co rol profesorado ( Administrar > Persoas > Lista > +Engadir usuario), será necesario especificar unha dirección de correo electrónico, un nome de usuario e un contrasinal, así como os roles que se desexen outorgar, coa posibilidade de notificar a conta creada no correo especificado.

Unha vez creado o usuario profe1 co rol profesorado comprobar como dispón duns permisos máis limitados que o usuario admin.