
UDI: Maletas de vida
Presentación
Áreas traballadas:
Ciencias naturais, ciencias sociais, matemáticas, valores sociais e cívicos, educación artística (plástica), lingua galega e literatura.
Curso:
2º de educación primaria.
Descrición e xustificación
Esta unidade didáctica pretende integrar diferentes tipos de experiencias e aprendizaxes do alumnado e orientalo cara a adquisición dunha serie de habilidades prácticas, coñecementos, actitudes e valores que lle permitan a participación activa no seu contexto social.
Coa realización das diferentes tarefas preténdese o coñecemento e comprensión das forma de vida propias, da cultura máis próxima e relacionada coa vida cotiá. A través do coñecemento do que lles é propio e querido poderán chegar á valoración do que é importante para outros nenos e nenas, en este caso pertencentes ao pobo xitano.
A finalidade última é desenvolver un sentimento de empatía e o recoñecemento de vivencias universais que igualan a todos os seres humanos.