PODCAST ENTREVISTAS

O xoves 12 de marzo de 2026 visitou o noso centro a cantante viguesa de RAP Nadie González para ter un encontro musical co noso alumnado de 3ºESO e do Equipo de Igualdade durante a Semana Intercultural Feminista, onde presentou o seu último videoclip"A Carrasquiña"  e respondeu a preguntas do alumnado sobre a súa traxectoria e sobre o mundo da música. Non deixes de escoitalo!!

Non perdades esta entrevista do luns 9 de febreiro de 2026 a Rafa Córdoba profesor xubilado de primaria e animador social da cidade acompañado do seu carisma e do seu megáfono, realizada por Tomás Pérez Luaces acompañado de Xiana Raposo Espiño, Alba Perea  Santiago e Olivia Ramírez Pedreira e na parte técnica Lucas Calabuig Ohadi e Diego Virel Coladas.

Neste podcast realizado polo departamento de Relixión, o alumno Tomás Pérez Luaces entrevistou a Frei Tomás, párroco da Igrexa de Santa María de Conxo, en Santiago de Compostela. Durante a conversa, realizada para conmemorar o vindeiro 30 de xaneiro, Día da Paz, abordáronse temas como a importancia da convivencia, o respecto entre as persoas e o compromiso coa xustiza e a solidariedade.