Probas ComDix Adultos 2025-2026 para o alumnado matriculado en 2º Bacharelato Adultos no curso 2025/2026
Acreditación do alumnado de 2º bacharelato adultos
1. A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.
2. O alumnado matriculado en 2º de bacharelato no curso 2025/26 poderá presentarse a unha proba específica co obxectivo de acreditar os coñecementos, habilidades e actitudes propias da área de dominio 4 do nivel intermedio (Seguridade e privacidade) descritas no Marco galego de competencias dixitais.
A proba realizarase no mes de abril en data e hora facilitada pola Consellería en sesión de tarde, da que os avisaremos por abalarMóbil cando sexa asignada ao instituto. O alumnado deberá responder nun tempo máximo de 20 minutos a un total de 12 preguntas. Para superar a proba deberase responder correctamente a un mínimo de 8 preguntas.
Inscrición. O prazo de presentación de solicitudes será ata o venres 13 de marzo de 2026. Recollerase a folla de solicitude de inscrición na Conserxería do centro e entregarase cuberta en Xefatura de Estudos.
Información sobre a proba. O alumnado ten a posibilidade de realizar unha proba de exemplo do nivel intermedio na ligazón:
https://certificacion-competenciasdixitais.xunta.gal/gl
3. No caso de que unha alumna ou un alumno obteña o título de bacharel e ademais supere a proba específica da área de dominio 4 do nivel intermedio, recibirá a certificación ComDix que acredita o nivel intermedio.
Máis información das probas ComDix 2025-2026 para alumnado de 2.º Bacharelato premendo AQUÍ
