Como crear unha copia de seguridade dun curso

Para facer unha copia de seguridade do teu curso:

1. Accede ao teu curso do que queres crear a copia de seguridade.
2. Na parte superior, onde as opcións do curso, preme no botón Máis.
3. Na listaxe, selecciona a opción Reutilizar o curso.
4. Entre as opcións dispoñibles, preme en Copia de seguridade.
5. Aparecerá un asistente para crear a copia:
   1. Axustes iniciais. Polo xeral podes deixar as marcas por defecto, pero o mínimo recomendado é:
      • Incluír as actividades e recursos
      • Incluír os ficheiros
      • Incluír o banco de preguntas
   2. Axustes do esquema. Selecciona todos os items dos que desexes facer copia de seguridade. Por defecto, a copia de seguridade inclúe todo o material que subiches ao curso.
   3. Confirmación e revisión. Revisa e confirma para continuar.
   4. Facer a copia de seguridade. A Aula Virtual tardará uns segundiños en completar este proceso.
   5. Completa. Se todo foi ben, recibirás unha confirmación de que o proceso foi completo.
6. Accederás directamente á pantalla de descarga na Área da copia de seguridade do curso.
   Tamén podes acceder a esta páxina en Máis > Reutilizar o curso > Restaurar.

⚠️
Coidado co tamaño da copia de seguridade
Se o tamaño do arquivo descargado é moi grande (maior de 2Gb), pode causar problemas durante a posterior restauración. Se for o caso, podes repetir o proceso tantas veces coma precises seleccionando items distintos no paso 5.2. e obtendo así varios arquivos coma copia de seguridade.