Wikipedia é unha enciclopedia en varias linguas (actualmente unhas 250) online de libre colaboración, gratuíta e con software libre; proxecto da fundación Wikimedia. Calquera pode axudar (estea rexistrado ou non) ben creando artigos novos ou ben editando os xa existentes.
A lingua con máis artigos nesta web é a inglesa, con máis de tres millóns, e outras catorce linguas superan os 200.000 artigos. En total hai case 14 millóns de artigos. En galego existe a galipedia, que conta actualmente con máis de 50.000 artigos, mais en catalán a participación é abrumadora, xa que ten máis de 200.000.
Logo de Wikipedia.
A Wikipedia recibe moitas críticas debido a que a liberdade de edición pode facer que existan numerosos erros, pero o certo é que a maioría de edicións están feitas por xente que excede as 1000 edicións no seu haber e se se detecta un erro pódese borrar. En caso de que se escriban cousas sen sentido ningún, insultos etc, os autores poden ser botados fora. Cada páxina ten unha páxina complementaria de discusión onde os wikipedistas poden discutir a acepción máis correcta ou datos polémicos.
Os wikipedistas adoitan xuntarse en grupos de traballo denominados wikiproxectos, onde os aficionados e expertos da materia da que trata o proxecto en cuestión discuten e traballan.
É unha fonte de información moi usada en todo o mundo, a máis usada de internet.
Logo de Wikipedia.