Entérome que andades a argallar unhas viaxes moi suxestivas. Que boa idea. E sobre todo o que me parece unha novidade do máis interesante é esta nova forma de traballar. Cantas ganas tiña!!!! Por fin algo que non sexa os libros de texto de sempre.
E agora teño que pedirvos que botedes unha ollada a este video. Fala dun grupo de estudiantes preparando materiais dun tema determinado. O de tema é o de menos. O importante é a forma de traballar. A mesma que estades a empregar vós. 
Esta é a ligazón
via ANB)
Despois de ver o video, gustaríame que opinedes acerca das seguintes afirmacións:
A rede do estudante do século 21 inclúe unha ampla gama de conexións, cada unha delas é unha nova oportunidade de aprendizaxe.
Pero precisa alguén que lle ensine a:
Como construír a súa rede.
Como comunicarse de xeito apropiado.
Como debe pedir axuda, respetuosamente, a expertos.
Como diferenciar entre boa información e propaganda.
Como converter unha procura Web nunha cacería de tesouros.
Como organizar, xestionar e integrar as montañas de información que, con toda seguridade, atopará na inmensidade da rede.
Espero os vosos comentarios.
Boa viaxe