Saíu publicada a convocatoria das becas MEC de carácter xeral para o vindeiro curso 2026/27 dirixidas ao alumnado de ensinanzas postobrigatorias (BACH, FP grao básico, medio e superior, curso de acceso e preparación para probas de acceso á FP, ensinanzas artísticas profesionais e superiores, ensinanzas de idiomas en Escolas Oficiais, ensinanzas deportivas, estudos relixiosos superiores e Universidades).
Para obter bolsa nos ensinos de Bacharelato, establécense os seguintes requisitos académicos:
- Para obter bolsa os/as solicitantes deberán matricularse no curso 2026-2027 do curso completo. Tamén podería obterse beca, limitada, se te matriculas de, polo menos, a metade das materias do curso.
- O alumnado de primeiro curso de bacharelato deberá acreditar non estar repetindo curso e obter unha nota media de 5,00 puntos no cuarto curso de educación secundaria obrigatoria, ou na nota final de Ciclo Formativo de Grado Medio o Básico.
- O alumnado de segundo de bacharelato deberá acreditar a superación de todas as materias do curso anterior, con excepción dunha.
Non estar repetindo no curso actual. - Só poderá obterse bolsa durante o número de anos que dure o plan de estudos.
Unha vez cuberta a solicitude, deberá ser asinada pola/o interesada/o ou o seu representante legal no caso de ser menor de 18 anos con calquera dos sistemas de sinatura electrónica aceptados pola sede electrónica e enviada polo procedemento telemático establecido.
O prazo para presentar a solicitude estenderase desde desde o 7 de abril de 2026 ás 08:00 h ata o 18 de maio de 2026, ás 15:00 h, e deberá realizarse a través da Sede Electrónica do Ministerio.
