Completa os pasos deste guión
CONSTRUCIÓN DUNHA CELA GALVÁNICA. Pila Daniell
Material e Reactivos
| 2 vasos de pptdos de 250 mL | Tubo en “U” | Electrodos de Zn e de Cu, limpos. |
| Algodón | Voltímetro ou polímetro | cables e pinzas |
| Disolución saturada de Na2 SO4 | Disolución 1 M de CuSO4 | Disolución 1 M de ZnSO4 |
Procedemento Aclarar que as contas son para c=1M pero traballar con c= 0,5M pola baixa s do sal de Zn.
1. Preparar o ánodo poñendo uns 100 mL da disolución de ZnSO4 nun vaso de precipitados. Introducir o electrodo de Zn nesa disolución e unilo mediante pinza e cable negro ao conector COM do voltímetro
2. Preparar o cátodo poñendo uns 100 mL da disolución de CuSO4 noutro vaso de precipitados. Introducir o electrodo de Cu nesa disolución e unilo mediante pinza e cable vermello ao conector V (+) do voltímetro
3. Encender o voltímetro ¿Obsérvase fem?
4. Preparar a ponte salina enchendo completamente o tubo en “U” coa disolución saturada de NaSO4 e tapando os extremos con tapóns de algodón.
5. Invertir o tubo en “U” (con cuidado para que non caiga a disolución) e introducilo nos vasos de precipitados, unha rama en cada vaso. Non debe quedar aire na parte superior do tubo, porque non pasarías os ións dunha semicelda á outra.
6. Agora o voltímetro marcará una fem. Anotádea
ELECTROLISE DUN SAL DISOLTO EN AUGA. Electrolise do KI
Material e reactivos
| Tubo en U | Soporte | Papel indicador universal |
| Pila de 4.5 voltios | Pinzas de crocodilo | Electrodos de grafito |
| Disolución de KI 0,1 M |
Procedemento
1. Verter unha disolución de KI nun tubo en forma de U, colocado previamente nun soporte, ata unhas 2/3 partes aproximadamente da súa capacidade.
2. Engadir unhas gotas de fenolftaleína
3. Introducir en cada rama do tubo en U, un electrodo de grafito.
4. Conectar mediante sendas pinzas de crocodilo os electrodos de grafito a unha corrente continua de 5 voltios ou ben a unha pila de 4,5 voltios.
5. Observa-los electrodos, no ánodo aparece iodo, fácilmente identificable pola súa cor característica, no cátodo obsérvase o gurgullo dun gas, e no cátodo a cor característica da fenolftaleína en medio básico, por ser a reducción da auga máis sinxela que a do ión potasio.
+ ánodo (oxidación) 2I- (ac) → I2 + 2 e-
- cátodo (reducción) 2H2O(l) + 2e- → 2OH- (ac) + H2(g)