ORIENTACIÓNS DO GRUPO DE TRABALLO

Bloque 2. Xenética molecular.

- Análise dos procesos da expresión xénica e o seu significadobiolóxico: replicación, transcrición e tradución. 

• Os experimentos que demostraron que o ADN é o portador da información xenética. 
• O modelo de Watson e Crick e a súa transcendencia para a Bioloxía. 
• Os modelos de replicación do ADN (dispersivo, conservativo e semiconservativo). 
• O experimento de Meselson e Stahl. 
• O mecanismo xeral da replicación (en relación cos encimas implicados, é suficiente mencionar brevemente as ADN polimerases, helicasas, topoisomerasas, ligasas, pero non é necesario afondar nos distintos tipos de ADN polimerases). 
• O fluxo da información xenética nos seres vivos (o dogma central da Bioloxía Molecular). 
• O concepto de xene e a súa estrutura, diferenciando entre procariotas e eucariotas. 
• O mecanismo xeral da transcrición e as diferenzas entre procariotas e eucariotas. As propiedades do código xenético. 
• A activación dos aminoácidos e as fases da tradución

- Relación entre as mutacións, a replicación do ADN, a evolución e a biodiversidade

• Os tipos de mutacións e os principais axentes mutáxenos. 
• O papel das mutacións como fonte de variabilidade para a evolución. 
• Os factores que incrementan a biodiversidade e a súa influenza no proceso de especiación.

- Comparación dos procesos de expresión xénica e a súa regulación en procariotas e eucariotas.

• Representar e explicar o sistema operón como exemplo de control da expresión xénica.
• Coñecer o papel das hormonas lipídicas e proteicas na regulación en eucariotas.
• Coñecer e citar mecanismos de regulación xenética pretranscripcionais e postranscripcionais. Papel dos factores de transcrición.