TAREFA 2: A PAISAXE RURAL GALEGA
A paisaxe rural galega, como en xeral calquera paisaxe europea, é froito de milenarios cambios que foron transformando un medio orixinalmente virxe. A nosa natureza foi lentamente acondicionada por campesiños , gandeiros, artesáns e construtores.
A paisaxe agraria galega caracterízase pola diversidade de usos que se da ao campo e pola escasa dimensión do parcelario tradicional. Na nosa paisaxe xunto cas vivendas e pequenas aldeas atopamos os tres elementos básicos de explotación do medio: o campo cultivado, os pastos e o monte.
O campo cultivado é o espazo máis coidado posto que se trata do terreo mais produtivo, e normalmente ocupa a parte baixa dos vales, onde as terras son máis fértiles e profundas. No outro extremo, atoparíase o monte, o espazo non cultivado, obxecto só de aproveitamentos extractivos e menos coidado, e que normalmente estendese cara ás partes altas dos vales e as montañas, e dedícase a madeira ou a gandeiría en liberdade.
O contacto destas superficies: o campo cultivado, os pastos
e o montes, amósase inconstante na nosa paisaxe e varía coas distintas
necesidades o longo do tempo.
>>Busca imaxes en internet que sexan representativas da paisaxe rural galega:
- Campos abertos ou pechados.
- Sistemas de cultivo.
- Aproveitamento da auga.
- Agricultura intensiva ou extensiva.
- Agricultura de alta ou baixa produtividade.
- Cultivo en zonas montañosas ou en canóns: as terrazas.