Tile 5

A subida ao poder de Almanzor, durante a última etapa do califato, supuxo unha reactivación do poder de Córdoba fronte aos reinos cristiáns. En total, durante os seus vinte e dous anos de goberno, hai constancia de que se realizaron máis de 55 expedicións, algunhas delas con notable éxito. No ano 981, as tropas de Almanzor partiron de Córdoba para penetrar no territorio do reino de León. Tras vencer en Rueda aos exércitos aliados de León, Castela e Navarra, arrasarán Zamora, Simancas e a mesma León. Catro anos máis tarde, no 985, o obxectivo foi Barcelona, cidade que foi tomada ao asalto o 6 de xullo dese ano. No 988, o obxectivo será de novo o reino de León, tomando Zamora, Sahagún e León, e arrasando os territorios que atopaba ao seu paso durante o seu regreso a Córdoba. Pero, de entre todos os ataques, o máis soado tivo lugar no ano 997.