Repositorio de contidos
| Sitio: | Aula virtual IES Ramón Otero Pedrayo. A Coruña. |
| Curso: | Abalar familias e alumnos. |
| Libro: | Repositorio de contidos |
| Impreso por: | Usuario convidado |
| Data: | xoves, 20 de novembro de 2025, 4:18 PM |
Descrición
Breve descrición da Biblioteca de recursos educativos do Espazo ABALAR
1. Contidos Educativos
Como elemento fundamental do novo modelo educativo que expón o Proxecto Abalar , estase a dotar ao profesorado, así como ao resto da comunidade educativa de contidos e recursos educativos dixitais.
- Facilitando o desenvolvemento de novos modelos pedagóxicos e a incorporación dos últimos avances tecnolóxicos na educación.
- Aproveitando as mellores prácticas desenvolvidas nos centros máis avanzados, pondo en valor todo o traballo e coñecemento do profesorado galego.
- Fomentando o espírito colaborativo e participativo dos docentes para establecer unha comunidade de desenvolvemento de contidos propios.
- Pondo en marcha un repositorio de información que se alimentará con contidos internos e externos á Xunta de Galicia, tanto públicos como privados e totalmente integrados no espazoAbalar.
3. FAQ
Preguntas e repostas frecuentes sobre o repositorio de contidos educativos dispoñibles no Espazo ABALAR3.1. Como se emprega un recurso do Repositorio de Contidos?
3.2. Quen pode acceder ao Repositorio de Contidos Educativos Dixitais?
3.3. Que é o Repositorio de Contidos Educativos Dixitais?
O Repositorio de Contidos dispoñible no espazoAbalar é unha plataforma de xestión, difusión e emprego dos contidos educativos dixitais, onde está dispoñible unha selección de recursos educativos de calidade e en múltiples idiomas, que está a ser actualizada de xeito continuo con novos contidos e funcionalidades.3.4. Procedemento para compartir material educativo no repositorio de contidos do espazoAbalar
As persoas que elaboran material educativo e están interesadas en ceder este material para o seu uso no repositorio de contidos dixitais, dispoñen dun procedemento no que se explican os pasos a seguir.Con esta iniciativa preténdese fomentar que os usuarios compartan os contidos que consideran de utilidade para así ampliar a oferta de contidos dixitais nas diferentes materias no espazoAbalar.
A continuación detállase o procedemento a seguir polas persoas interesadas en participar nesta iniciativa.
- As persoas que queiran ceder materiais para publicalos no repositorio de contidos deberán poñerse en contacto cos asesores encargados do departamento TIC do CAFI (Centro Autonómico de Formación e Innovación) para a validación deste material a través das seguintes contas de correo electrónico:
- cafi.tic.contidos@edu.xunta.es
- cafi.tic.web@edu.xunta.es
No correo electrónico, deberán indicar:
- Nome, centro e teléfono de contacto
- Título do traballo
- Curso e materia
- Breve descrición
- Software necesario para súa execución
- Se os traballos están visibles nalgunha páxina web, indicar o enderezo
- Os asesores do CAFI indicarán aos interesados como enviar os contidos e aportarán a documentación necesaria para a cesión do material no caso de ser valorados positivamente para ser subidos no repositorio de espazoAbalar. No caso contrario, os asesores do CAFI contactarán coas persoas interesadas para comunicarlles que os contidos no serán publicados no repositorio indicando os motivos desta decisión.