Composición histórica.
Os seguintes documentos deben permitirche facer unha redacción sobre a Guerra de Sucesión.  Tendo en conta os documentos e o seu contexto, debes atender cando menos aos factores explicativos do conflito, á súa dimensión internacional e ás consecuencias xeopolíticas.

Doc 1. Testamento de Carlos II, 3 de outubro de 1700
No nome da Santísima Trindade, [...]. Eu Don  Carlos, pola graza de Deus, Rei de Castela, de  León, de  Aragón, das dúas  Sicilias, [...] achándome, como me acho, enfermo na cama, de enfermidade que o noso Señor foi servido de darme, por tanto fago o meu Testamento, ordeno, e declaro a miña última vontade por esta Escritura, estando no meu libre, e san xuízo [...]
13. E recoñecendo [...] que a  razón en que se funda a Renuncia da Señoras Dona Ana, e Dona María Teresa,  Raiñas de Francia, a miña  Tia e irmá, á  sucesión destes  Reinos,  foi evitar o prexuízo de unirse  á Coroa de Francia; e recoñecendo, que vindo  a cesar este motivo fundamental, subsiste o dereito da  sucesión no Parente máis inmediato, conforme ás Leis destes  reinos, e que hoxe se verifica este caso no Fillo segundo do  Delphin de Francia: por tanto, arranxándome  ás ditas Leis, declaro ser o meu  sucesor (en caso que Deus me leve sen  dexar fillos) o Duque de  Anjou, Fillo segundo do  Delphin, e como  a tal chámolle  á  sucesion de todos os meus  Reinos, e Dominios, sen  excepción de ningunha parte deles; [...] E porque é a miña  intención, e convén así  á paz da Cristiandade, e da Europa toda, e  a tranquilidade destes meus Reinos, que se manteña sempre  desunida esta Monarquía da Coroa de Francia; [...] e en tal modo é a miña vontade que se  execute por todos os meus vasalos, como llo mando, e  convén  á súa mesma saúde, sen que permitan a menor  desmembración, e menoscabo da Monarquía, fundada con tanta gloria dos meus Proxenitores. E porque desexo  vivamente, que se conserve a paz, e  unión, que tanto importa  á Cristiandade entre o Emperador o meu  Tío, e o Rey  Cristianísimo, pídolles, e exhorto, que estreitando dita  unión co vínculo do Matrimonio do Duque de  Anjou coa  Arquiduquesa, logre por este medio  Europa o acougo que necesita.

Doc. 2




Doc. 3 Algúns artigos do Tratado de Utrecht, 1713
X. O Rei Católico cédelle á Coroa da Gran Bretaña a propiedade da cidade e Castelo de Xibraltar...
XI. O Rei Católico cédelle tamén á Coroa da Gran Bretaña a illa de Menorca, porto, cidade e fortaleza de Porto Mahón...
XII. O Rei Católico dá e concede á súa Maxestade británica e á compañía de vasalos seus formada para este fin a facultade para introducir negros en diversas partes dos dominios da súa Maxestade católica en América, que vulgarmente se chama o asento de negros, por espazo de trinta anos continuos.
Artigo adicional:
A súa Maxestade católica... foi servido de concederlle á compañía deste asento un navío de cincocentas toneladas en cada ano dos trinta prefinidos nel, para que poida comerciar ás Indias.

Doc. 4 Cesións territoriais da Monarquía Hispánica en Utrecht.



Última modificación: mércores, 6 de novembro de 2019, 8:21 PM