Drónica e Patrimonio

Durante a pasada semana, un grupo de estudantes do CS de Sistemas de Telecomunicacións e Informáticos levou a cabo unha intervención técnica no contorno da batería de Corbeiroa. A actuación consistiu na planificación e execución de voos mediante UAS, co obxectivo de realizar capturas fotogramétricas e medicións ambientais e estruturais; estes datos permiten avanzar na catalogación sistemática do enclave e na análise técnica do seu estado de conservación, facilitando futuras actuacións de mantemento, restauración ou monitorización.

Esta actividade enmárcase nas iniciativas desenvolvidas pola Aula Tecnolóxica “Ondas_IoTlab” do centro, así como no proxecto de innovación en patrimonio intelixente “PIN”. Así mesmo, contouse coa colaboración da empresa Sinerxia, especializada en solucións baseadas en sistemas aéreos non tripulados (UAS), que achegou soporte técnico e operativo durante a intervención.