AS MIÑAS PROFESIÓNS FAVORITAS

Obxectivos:

Descubrir que, na meirande parte de profesións, o traballo en equipo é moi importante porque, de feito, se trata de profesións nas que traballan xuntas diferentes persoas que fan tarefas complementarias, que se necesitan mutuamente, ou ben tarefas que, por si mesmas, requiren que traballen xuntas diferentes persoas porque unha sola non podería facela ou tardaría moito.

Desenvolvemento:

1º.- Individualmente, cada alumno pensa en 3 profesións que lle gustaría poder exercer no futuro (5 minutos).   A continuación dí en voz alta a que escolleu en 1º lugar e, si xa a ten dito outra persoa antes, dí a segunda, ou a terceira. Trátase de que salgan cantas mais profesións diferentes mellor. Cada alumno/a ha de lembrar con que profesión se quedou.

2º.- Individualmente, cada alumno/a responde ao cuestionario “A miña profesión”.

3º.-Formamos grupos de 4 ou 5 membros.Cada un vai co cuestionario “A miña profesión” cuberto.Cada grupo cubre a táboa “Análise das profesións”.

4º.- Agora imos poñer o resultado dos grupos en común.O profesor pode utilizar a PDI ou a pizarra tradicional e ir respondendo a estas cuestións:

• En cantas profesións se necesita traballar en equipo e en cantas non?
• Cantos alumnos/as hai en clase que consideren que, na escola ou no instituto, lles ensinaron a traballar en equipo e cantos non?

5º.- Despois de esta análise, valoramos a importancia do traballo en equipo e a necesidade de aprender a traballar desta maneira.