Tema 6: A Prehistoria: do Paleolítico ao Neolítico

6. A Prehistoria en Galicia

O ser humano chegou a Galicia hai uns 300.000 anos. Atopáronse restos do Homo Neanderthalensis e do Sapiens Sapiens na cova de Eirós (Triacastela) xunto as únicas mostras de pintura rupestre en Galicia. Posteriormente, durante o Neolítico e a Idade dos Metais, desenvolveuse o megalitismo, é dicir, a construción de grandes monumentos de pedra aos que se lles chama megálitos. Calcúlase que en Galicia pode haber unas 3000 mámoas (túmulos de terra que agachan no seu interior un dolmen). Lembra que xa dixemos que eran tumbas.

Outra manifestación desta época son os petróglifos que son gravados feitos en pedra. Pénsase que tiñan un significado cultural e relixioso. Existen dous tipos de deseños: os figurativos (con cervos, cabalos, armas...) e os abstractos (con círculos, espirais, labirintos...).