PRÁCTICA 3.- FABRICACIÓN E EMPREGO DUN ESPIRÓMETRO

Nesta práctica imos fabricar e empregar o noso propio espirómetro caseiro para coñecer algúns dos nosos parámetros respiratorios. Co noso formato podemos valorar 3 parámetros:

• Capacidade vital.
• Volume corrente.
• Volume de reserva expiratoria.

Con eses 3 datos, e tomando como referencia un volume residual de 1,2 litros, podemos calcular todos os parámetros que nos atopamos nos apuntamentos.

Nesta práctica debedes engadir un informe sobre a práctica de laboratorio "Fabricación e emprego dun espirómetro". O informe debe incluir:

• Resumo e obxectivos
• Procedemento (non esquezades engadir fotos)
• Resultados (non esquezades engadir fotos).
• Conclusión e discusión

Non esquezades de engadir no documento os compoñentes do grupo de traballo, a data, ao grupo da clase e a materia. Identificade correctamente o título do documento, sede meticulosos na uniformidade do formato e coidado coa ortografía.