O galego, á diferenza do castelán, non expresa o reflexivo cando se trata do obxecto indirecto:

  • *Pinteime os beizos > pintei os beizos
  • *Lavouse a cara > lavou a cara

Para expresar a reflexividade, o galego só marca o obxecto directo. 

  • Laveime ben esta mañá.
  • Enfeitácheste formal hoxe?
  • Non nos vemos no espello.
Se se quere enfatizar cun pronome, este acostuma ir acompañado de mesmo(s)/a(s) ou propio(s)/a(s).

  • Laveime ben a min mesmo/a esta mañá.
  • Enfeitácheste ti mesmo/a formal hoxe?
  • Non nos vemos a nós mesmos/as no espello.
Loxicamente hai casos de ambigüidade, nos que pode confundirse de quen se está falando, e aí si que é preciso pór o pronome, como en;
  • Os actores gustaban de se describir espontaneamente
No exemplo anterior, pode entenderse que se describen a si mesmos/as ou uns aos outros.

Como se ve, a forma plena da reciprocidade é un(s) ao(s) outro(s) | unha(s) á(s) outra(s) e, de feito, é máis recomendábel que o pronome reflexivo.
  • Os conselleiros louvaban uns aos outros despois do consello.

Last modified: Friday, 10 January 2025, 3:34 PM