Instrucións para a realización da exposición das linguas

Lembrade que a exposición debe durar aproximadamente 10 minutos e que nela podedes usar ferramentas como canva, power point ou outros similares. Todos os compoñentes do grupo deben falar durante a exposición, máis ou menos a mesma cantidade de tempo.

Debedes falar sobre a orixe desa lingua, o seu desenvolvemento ata a actualidade, os lugares onde se fala (ou se falou), a cantidade de falantes, o tipo de lingua que é (desamparada, infraestatal, estatal, internacional), a súa situación na sociedade e calquera outra característica ou curiosidade sobre esa lingua que queirades comentar.