Imprimir livroImprimir livro

Restaurar unha copia de seguridade

Site: Aula Virtual do IES Lamas de Abade
Disciplina: Guía de axuda para o profesorado
Livro: Restaurar unha copia de seguridade
Impresso por: Invitado
Data: quarta-feira, 14 de janeiro de 2026 às 10:28

Descrição


Índice

1. Restaurar unha copia de seguridade

Esta ferramenta serve principalmente para importar un curso doutra aula virtual.

    Só se pode facer unha restauración desde un curso xa creado.
      Como destino da restauración, é dicir, donde se restauran os datos, hai tres opcións:
        O mesmo curso desde o que facemos a restauración.
      • Outro curso existente. Debemos ter permisos de edición nese curso de destino.
      • Un novo curso que se creará durante o proceso de restauración.
      Se o curso orixe da copia de seguridade ten máis temas que o curso de destino sobre o que restauramos, os temas en exceso non aparecerán. Finalizada a restauración debemos editar a configuración do curso de destino e aumentar o número de temas o que sexa necesario, entón aparecerán todos os temas cos seus recursos.

      1.1. Paso previo: Subir o ficheiro de copia de seguridade e iniciar a restauración

      Paso previo: Subir o ficheiro de copia de seguridade e iniciar a restauración

      Para poder restaurar un ficheiro de copia de seguridade, este arquivo debe estar subido á aula virtual.

      Creamos ou entramos nun curso. Ir a Administración do curso: Restaurar. Está arriba á dereita, na roda dentada.

      No formulario que aparece podemos subir un ficheiro. Despois, premer no botón Restaurar.


      1.2. Confirmación

      Iniciada a restauración o primeiro que aparece é un formulario con información sobre o contido do ficheiro que estamos a restaurar para que confirmemos que realmente é este o ficheiro que queremos restaurar. Temos as seguintes seccións con información:


      • Detalles da copia de seguranza: información sobre tipos e versións.
      • Configuración da copia de seguranza: Que tipo de elementos inclue a copia.
      • Detalles do curso: Nome curto e identificador do curso contido na copia. O identificador non se reproducirá no destino, a non ser que se trate do mesmo curso na mesma aula virtual.
      • Seccións do curso: Veremos as seccións do curso e que contidos hai en cada unha, indicando se incluen ou non os datos de usuario.

      No caso de que detectemos un erro e non queramos continuar coa restauración, este formulario non ten un botón de cancelar, pero basta con darlle para atrás ao navegador ou pinchar noutra ruta da aula virtual.

      Se é todo correcto e queremos seguir coa restauración pincharemos no botón Continuar.

      1.3. Destino

      O destino da restauración pode ser:

      • Restaurar como un curso novo. Neste caso hai que seleccionar a categoría na que se creará o novo curso.
      • Restaurar no curso no que se está. Pódese engadir o contido da copia de seguridade ao que xa hai no curso ou pódese eliminar o contido do curso actual para restaurar a copia de seguridade.

      1.4. Esquema

      en Axustes do curso poderemos cambiar a configuración do curso, como actualizar a data de inicio.

      Debaixo, poderemos seleccionar TODOS ou só algún dos contidos a restaurar.


      1.5. Rematar

      Revisar se todo é correcto.

      Premer en "Continuar" para iniciar a restauración.

      E listo!