O profesor de Tecnoloxía do noso centro, Óscar Liñán Cuellas, participou recentemente nunha mobilidade Erasmus+ na modalidade de job-shadowing, organizada polo CFR da Coruña.
Durante esta experiencia visitou dous centros educativos en Matosinhos (Portugal), onde puido coñecer de primeira man outras formas de traballo, metodoloxías e proxectos desenvolvidos no ámbito educativo.
Este tipo de mobilidades permiten abrir as aulas a novas ideas, compartir experiencias e seguir incorporando propostas innovadoras ao día a día do centro. Ademais, Óscar aproveitará o vindeiro Claustro para compartir co resto do profesorado todo o aprendido durante a estancia.
Unha experiencia moi enriquecedora que segue conectando o noso instituto coa educación europea.
