Servizos e recursos existentes

O equipamento e sistemas nos últimos 15 anos experimentaron un salto cuantitativo e cualitativo importante, que consistiu de forma resumida en:

• • dotación de médios imformáticos e extensión da conexión de rede á totalidade das dependéncias do centro (aulas, despachos, talleres, laboratórios, aulas específicas, biblioteca, salón de actos ...);
  • posta en marcha e mantemento de plataformas como a páxina web do instituto, a Aula Virtual, o blog da biblioteca e o sistema MEIGA, os sistemas ABALAR, o sistema XADE, o sistema ESBA, o servizo de impresión centralizado;
  • posta en servizo de intranets: biblioteca, ciclo médio de Instalacións Eléctricas e Automáticas, servidor de aulas.

Isto derivou na posibilidade de dispór de médios TIC en calquer dependéncia do centro e para calquer uso, tanto docente, como de xestión, como de actividades complementares, publicación ...

Simultaneamente, nos últimos anos tamén se desenvolveron distintas iniciativas que implicaron formación do profesorado e do alunado: proxecto ABALAR, Comenius, PLAMBE, grupo de traballo sobre Recursos TIC, proxecto Terra, obradoiros sobre seguridade en internet e outros.

Distintos departamentos, pola sua banda, desenvolven múltiples actividades que implican o uso de médios TIC entre o alunado, como son os concursos audiovisuais que convoca a equipa TIC, a proxeción de presentacións que programa a Biblioteca, a elaboración de vídeos do proxecto Donas de Sí e mais.

E non podemos esquecer a universalización dos telefones móbiles, que permiten o aceso instantáneo a calquer recurso en todo momento.